ରାଫେଲ ତିଆରି କରୁଥିବା କଂପାନୀ ସହ ଭାରତର ସଂପର୍କ ୬୭ ବର୍ଷ ପୁରୁଣା..

1 min read

ନୂଆଦିଲ୍ଲୀ:  ଭାରତ ପାଇଁ ଆଜି ଐତିହାସିକ ଦିନ । ଆଜି ଫ୍ରାନ୍ସରୁ ୫ ରାଫେଲ ଲଢୁଆ ବିମାନ ଭାରତରେ ଆସି କିଛି ସମୟ ପରେ ପହଂଚିବ । ହରିଆନାର ଅମ୍ବାଲ ବିମାନଘାଟିରେ ଏହି ୫ ବିମାନ ଲ୍ୟାଣ୍ଡିଂ କରିବେ । ରାଫେଲକୁ ନିର୍ମାଣ କରିଥିବା କଂପାନୀର ନାମ ହେଉଛି ଦସାଲ୍ଟ ଏଭିଏସନ । ଦସାଲ୍ଟ ସାମରିକ ଓ ବେସାମରିକ ବିମାନ ତିଆରି କରିଥାଏ

ଦସାଲ୍ଟ ଓ ଭାରତର ସଂପର୍କ ୬୭ ବର୍ଷ ପୁରୁଣା । ଅର୍ଥାତ ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହର ଲାଲ ନେହେରୁଙ୍କଠାରୁ ବର୍ତ୍ତମାନର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପର୍ଯ୍ୟନ୍ତ ସବୁ ପ୍ରଧାନମନ୍ତ୍ରୀଙ୍କ ଅମଳରେ ଦାସଲ୍ଟଠାରୁ ବିମାନ କିଣା ଯାଇଛି ।

୬୭ ବର୍ଷର ପୁରୁଣା ସଂପର୍କ

toofani

୧୯୫୩ ମସିହାରେ ନେହେରୁଙ୍କ ଅମଳରେ ‘ତୁଫାନୀ’ ନାମକ ବୋମବର୍ଷକ ବିମାନ ଭାରତ ଦସାଲ୍ଟଠାରୁ କିଣିଥିଲା ।  ସେତେବେଳେ ଭାରତ ମୋଟ ୧୧୩ ବିମାନ କିଣିଥିଲେ । ଭାରତ ଥିଲା ଦସାଲ୍ଟର ପ୍ରଥମ ବିଦେଶୀ ଗ୍ରାହକ । ୧୯୬୧ ମସିହାରେ ପର୍ତ୍ତୁଗାଲ ଅଧିନରେ ଥିବା ଦିୟୁ ଦ୍ୱିପ ମୁକ୍ତ ପାଇଁ ହୋଇଥିବା ଅପରେସନରେ ତୁଫାନୀ ବିମାନର ବ୍ୟବହାର ହୋଇଥିଲା ।

Mystère IV-A 

ଏହାସହ ୧୯୬୨ ମସିହାର ଭାରତ-ଚୀନ ଯୁଦ୍ଧ ଓ ନାଗାଲାଣ୍ଡରେ ଆତଙ୍କବାଦୀଙ୍କ ଉପରେ ଆକ୍ରମଣରେ ମଧ୍ୟ ତୁଫାନୀର ବ୍ୟବହାର ହୋଇଥିଲା । ତେବେ ୧୯୬୫ ମସିହାରେ ଏହି ଯୁଦ୍ଧ ବିମାନର ବ୍ୟବହାର ଭାରତ ବନ୍ଦ କରିଦେଇଥିଲା । କାରଣ ୧୯୫୭ ମସିହାରେ ଭାରତ ତୁଫାନୀଠାରୁ ଅଧିକ ଶକ୍ତିଶାଳୀ Mystère IV-A  ବିମାନ କିଣିଥିଲା । ଭାରତ ଏଭଳି  ୧୦୦ ବିମାନ କିଣିଥିଲା ।

୧୯୬୦ରେ ଭାରତ ପୁଣିଥରେ ଦସାଲ୍ଟଠାରୁ ଏଲିଜ୍ ବିମାନ କିଣିଥିଲା । ଏହା ଆଣ୍ଟି ସବମେରିନ୍ ଫାଇଟର ପ୍ଲେନ୍ ଥିଲା । ୧୯୭୮ ମସିହାରେ ଭାରତ ଫ୍ରାନ୍ସଠାରୁ ୪୦ଟି ଜାଗୁଆର ବିମାନ କିଣିଥିଲା । ଏହା ସହ ଭାରତରେ ୧୨୦ ଜାଗୁଆରର ଉତ୍ପାଦନ ମଧ୍ୟ ହୋଇଥିଲା । ଶ୍ରୀଲଙ୍କା ଓ କାରଗିଲ ଯୁଦ୍ଧରେ ଏହାର ବ୍ୟବହାର ହୋଇଥିଲା ।
ମିରାଜ୍-୨୦୦୦ ବିମାନ

miraj 2000

୧୯୮୨ ମସିହାରେ ଭାରତ ଦସାଲ୍ଟ ସହ ମିରାଜ୍-୨୦୦୦ ବିମାନ ପାଇଁ ଚୁକ୍ତି କରିଥିଲା । ଭାରତ ମୋଟ ୪୯ଟି ମିରାଜ୍ କିଣିଥିଲା । ୧୯୯୯ ମସିହାର କାରଗିଲ ଯୁଦ୍ଧରେ ମିରାଜ-୨୦୦୦ ନିର୍ଣ୍ଣାୟକ ଭୂମିକା ଗ୍ରହଣ କରିଥିଲା । ଏହାସହ ୨୬ ଫେବ୍ରୁଆରି ୨୦୧୯ ବାଲାକୋଟ୍ ଏୟାର ଷ୍ଟ୍ରାଇକରେ ମିରାଜ-୨୦୦୦ ଭାଗ ନେଇଥିଲା ।  ଏବେ ରାଫେଲ ସହ ଭାରତ ଓ ଦସାଲ୍ଟର ୬୭ ବର୍ଷ ପୁରୁଣା ସଂପର୍କ ଆହୁରି ମଜବୁତ ହେବ ।

 

Leave a Reply