ରାଜ୍ୟସଭାରେ କୃଷି ସମ୍ପର୍କିତ ୨ଟି ବିଲ୍ ଧ୍ୱନିମତରେ ପାରିତ, ବିରୋଧୀଙ୍କ ବିରୋଧ
ନୂଆଦିଲ୍ଲୀ: କୃଷି ବିଲକୁ ବିରୋଧ କରି ରାଜ୍ୟସଭାରେ ରବିବାର ହଙ୍ଗାମା ହୋଇଛି । ବିରୋଧୀ କେନ୍ଦ୍ର କୃଷିମନ୍ତ୍ରୀଙ୍କ ଉତ୍ତରକୁ ନେଇ ବାଚସ୍ପତିଙ୍କ ପୋଡିୟମରେ ଚଢ଼ି ମାଇକ୍ ଭାଙ୍ଗିଛନ୍ତି । ବିରୋଧୀଙ୍କ ଏତେ ସବୁ ବିରୋଧ ମଧ୍ୟରେ ଲୋକସଭା ପରେ ରାଜ୍ୟଭାରେ ୨ଟି କୃଷି ବିଲ୍ ପାରିତ ହୋଇଛି । ରାଜ୍ୟସଭାରେ ଆଜି ଫାର୍ମର୍ସ ପ୍ରଡ୍ୟୁସ ଟ୍ରେଡ୍ ଆଣ୍ଡ କମର୍ସ (ପ୍ରୋଟେକ୍ସନ୍ ଆଣ୍ଡ ଫାସିଲିଟେସନ୍ ବିଲ୍) ବିରୋଧରେ ମଧ୍ୟରେ ଧ୍ୱନିମତରେ ପାସ୍ ହୋଇଛି ।
ରାଜ୍ୟସଭାରେ କୃଷି ବିଲକୁ ବିରୋଧ କଲା ବିଜେଡି, ଚୟନ କମିଟିକୁ ପଠାଇବାକୁ ଦାବି
ବିଲକୁ ନେଇ ଗୃହରେ ଜୋରଦାର ହଙ୍ଗାମା କରିଥିଲେ ବିପକ୍ଷ । ରାଜ୍ୟସଭା ଉପସଭାପତି ହରିବଂଶ ସଦସ୍ୟଙ୍କୁ ଆସନରେ ବସିବାକୁ ନିବେଦନ କରିଥିଲେ । କୃଷି ବିଲକୁ ନେଇ ଗୃହରେ ହୋହଲ୍ଲା ପରେ ରାଜ୍ୟସଭାକୁ ଆସନ୍ତାକାଲି ସକାଳ ୯ଟା ଯାଏଁ ସ୍ଥଗିତ ରଖାଯାଇଛି । ବିରୋଧ କରି ବିପକ୍ଷ ସଦସ୍ୟ ରାଜ୍ୟସଭା ଉପସଭାପତିଙ୍କ ପୋଡିୟମକୁ ମାଡ଼ି ଯାଇଥିଲେ ।
