ସାମସନ୍ ଓ ତେୱାତିଆଙ୍କ ଧୁଆଁଧାର ଇନିଂସ ପଞ୍ଜାବକୁ ପଡ଼ିଲା ମହଙ୍ଗା

ସରଜି: ଆଇପିଏଲର ୨୦୨୦ ସଫଳତା ସହ ଆଗେଇ ଚାଲିଛି । ବିଭିନ୍ନ ତାଙ୍କ ଟିମକୁ ଜିତେଇବାକୁ ଦମଦାର ପ୍ରୟାସ ଜାରି ରଖିଛନ୍ତି । ରବିବାର ଖେଳାବାକୁ ଆଇପିଏଲ ଲଢେଇରେ ରାଜସ୍ଥାନର ରୟାଲ୍ସର ଦମଦାର ବିଜୟ  ।   ପଞ୍ଜାବକୁ ୪ୱିକେଟରେ ପରାସ୍ତ କରିଛି ରାଜସ୍ଥାନ  ।  ୨୨୪ ରନର ବଡ ଟାର୍ଗେଟ ହାସଲ କରିଛି ରାଜସ୍ଥାନ ରୟାଲସ୍ । ଦଳ ପକ୍ଷରୁ ସ୍ୟାମସନ୍ ୮୫ ରନ୍ କରିଥିବାବେଳେ ତେୱାଟିଆ ଖେଳିଥିଲେ ୫୩ ରନର ଧୁଆଁଧାର ଇନିଂସ  ।

ସେହିଭଳି ଅଧିନାୟକ ସ୍ମିଥ୍ ୫୦ ରନ୍ କରି ଆଉଟ ହୋଇଥିଲେ  ।  ପ୍ରଥମେ ବ୍ୟାଟିଂ କରି ନିର୍ଧାରିତ ଓଭରରେ ୨ ୱିକେଟ ହରାଇ ୨୨୩ ରନ୍ କରିଥିଲା ପଞ୍ଜାବ । ଓପନର ମୟଙ୍କ ଅଗ୍ରଓ୍ବାଲ ଓ ଅଧିନାୟକ ଲୋକେଶ ରାହୁଲ ଖେଳିଥିଲେ ଦମଦାର ଇନିଂସ  ।  ମୟଙ୍କ ଅଗ୍ରୱାଲ ମାତ୍ର ୫୦ଟି ବଲରୁ ଖେଳିଥିଲେ ୧୦୬ ରନର ଶତକୀୟ ଇନିଂସ  ।

ଯେଉଁଥିରେ ଥିଲା ତାଙ୍କର ୭ଟି ଛକା ଓ ୧୦ଟି ଚୌକା  ।  ଅଧିନାୟକ ଲୋକେଶ ରାହୁଲ ୫୪ଟି ବଲରୁ ୬୯ ରନ୍ ସଂଗ୍ରହ କରିଥିଲେ । ବଡ ସ୍କୋର କରିଥିଲେ ମଧ୍ୟ ପରାଜିତ ହୋଇଛି ପଞ୍ଜାବ  ।  ଆଜି ଦୁବାଇରେ ମୁମ୍ବାଇ ଓ ବାଙ୍ଗାଲୋର ମଧ୍ୟରେ ହେବ ଟକ୍କର ।