ଆଜିଠାରୁ ବଢ଼ିପାରେ ବର୍ଷା ପରିମାଣ, ବିଭିନ୍ନ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ସମ୍ଭାବନା

ଭୁବନେଶ୍ୱର: ଆଜିଠାରୁ ବଢିପାରେ ବର୍ଷା ପରିମାଣ । ରାଜ୍ୟର କୋରାପୁଟ, ମାଲକାନଗିରି, ନବରଙ୍ଗପୁର, ଗଜପତି, ଗଂଜାମ, ଏବଂ  ସୁନ୍ଦରଗଡ  ଜିଲ୍ଲାରେ କିଛି ଅଂଚଳରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି । ବାକି ଜିଲ୍ଲା ଗୁଡିକରେ ଗୋଟିଏରୁ ଦୁଇଟି ସ୍ଥାନରେ ବର୍ଷା ହେବାର ସମ୍ଭାବନା ରହିଛି ।

ଏହା ସହ ଆଜିଠାରୁ ୨ ତାରିଖ ଯାଏ ବିଜୁଳି-ଘଡଘଡ଼ି ସହ ସ୍ୱଳ୍ପରୁ ମଧ୍ୟମ ଧରଣର ବର୍ଷା ହେବା ନେଇ ପାଣିପାଗ କେନ୍ଦ୍ର ପକ୍ଷରୁ ସୂଚନା ମିଳିଛି । କିଛି ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଜୁନ୍ ପହିଲାରୁ ୨୯ ଜୁଲାଇ ୨୦୨୦ ମଧ୍ୟରେ ଓଡ଼ିଶାରେ ୪୭୩.୦  ମିମି ବର୍ଷା ରେକର୍ଡ ହୋଇଛି । ଯାହା ସ୍ୱାଭାବିକ ବର୍ଷା ୫୩୮.୦  ମିମି ଠାରୁ ୧୨ ପ୍ରତିଶତ କମ୍ ରେକର୍ଡ କରାଯାଇଛି ।

ଅନ୍ୟପଟେ ଚଳିତବର୍ଷ ଭୂତାଣୁ ସହ ଧୋକା ଦେଇଛି ମୌସୁମୀ । ଆବଶ୍ୟକଠାରୁ ବର୍ଷାର ପରିମାଣ କମ୍ ରହିଛି । ସେପଟେ ଶ୍ରାବଣ ସରିବାକୁ ବସିଲାଣି ହେଲେ ବର୍ଷାର ଦେଖାନାହିଁ ।