ଛତ୍ରପୁର କୋର୍ଟରେ ହାଜର ହେଲେ ଅର୍ଥତତ୍ୱ ଚିଟ୍ଫଣ୍ଡ ମୁଖ୍ୟ ପ୍ରଦୀପ ସେଠୀ
ଗଞ୍ଜାମ: ଗଞ୍ଜାମ ଜିଲ୍ଲାର ଛତ୍ରପୁର କୋର୍ଟରେ ହାଜର ହେଲେ ଅର୍ଥତତ୍ୱ ଚିଟ୍ଫଣ୍ଡ ମୁଖ୍ୟ ପ୍ରଦୀପ ସେଠୀ । ତାଙ୍କ ସହ ଶ୍ରୀକୃଷ୍ଣ ପାଢ଼ୀ ଓ ମନୋଜ ପଟ୍ଟନାୟକ ମଧ୍ୟ ହାଜର ହୋଇଛନ୍ତି । ଏକ ଠକେଇ ମାମଲାରେ ଛତ୍ରପୁର ପୋଲିସ ରିମାଣ୍ଡରେ ଆଣିବା ପାଇଁ ଆବେଦନ କରିଥିଲା । ଏହି ୩ ଜଣ ଚିଟଫଣ୍ଡ ଦୁର୍ନୀତିରେ ଗିରଫ ହୋଇ ଝାରପଡ଼ା ଜେଲରେ ଅଛନ୍ତି ।
ଛତ୍ରପୁର ବ୍ଲକ କଣମଣା ଗ୍ରାମର ଦେବରାଜ ସାହୁ ଛତ୍ରପୁର ସ୍ଥିତ ଅର୍ଥତତ୍ୱ ବ୍ରାଞ୍ଚରେ ୧ ଡିସେମ୍ବର ୨୦୧୦ରେ ଏକ ଲକ୍ଷ ଟଙ୍କା ଜମା କରିଥିଲେ । ପରେ ଉକ୍ତ ସଂସ୍ଥା ନଭେମ୍ବର ୨୦୧୨ରୁ ବନ୍ଦ ହୋଇଯାଇଥିଲା । ଏହା ଜାଣିବା ପରେ ଜମାକାରୀ ଦେବରାଜ ସାହୁ ଏହି ସଂସ୍ଥା ବିରୋଧରେ ୧୦ ମେ ୨୦୧୩ରେ ଛତ୍ରପୁର ଥାନାରେ ଏତଲା ଦେଇଥିଲେ ।
ପୋଲିସ ୬୮/୧୩ରେ ମାମଲା ରୁଜୁ କରିବା ସହ ୧୨୦ବି, ୪୨୦ ଆଦି ବିଭିନ୍ନ ଧାରାରେ ମାମଲା ରୁଜୁ ହୋଇଥିଲା । ଏନେଇ ଛତ୍ରପୁର ପୋଲିସ ପୂର୍ବରୁ ଏହି ୩ ଜଣକୁ ରିମାଣ୍ଡରେ ଆଣିବା ପାଇଁ ଏପପିଙ୍କ ଜରିଆରେ ଛତ୍ରପୁର ଏସଡିଜେଏମଙ୍କ ନିକଟରେ ଆବେଦନ କରିଥିଲା ।
