ଆଳୁ ଦର ବୃଦ୍ଧି ! ଗୁଜବରେ ବିଶ୍ୱାସ କରନ୍ତୁ ନାହିଁ: ବ୍ୟବସାୟୀ ସଂଘ ସଭାପତି

ଭୁବନେଶ୍ୱର: ବଢ଼ିବ କି ଆଳୁଦର ? ଆଗାମୀ ଦିନରେ ଆଳୁଦର ବୃଦ୍ଧି ନେଇ ଦ୍ୱନ୍ଦ୍ୱରେ ଅଛନ୍ତି ଖାଉଟି । ଲକଡାଉନ୍ ଭିତରେ ଦର ବଢ଼ିଲେ ହାଣ୍ଡିଶାଳରେ ଜୋରଦାର ପ୍ରଭାବ ପଡ଼ିବ । କାରଣ ନିତିଦିନିଆ ଖାଦ୍ୟ ଥାଳିରେ ସାମିଲ୍ ଆଳୁ । ଅନ୍ୟପଟେ ବାତ୍ୟା ପରେ ପଶ୍ଚିମବଙ୍ଗରୁ ଆଳୁ ଯୋଗାଣ ନେଇ ଆଶଙ୍କା ଦେଖା ଦେଇଛି । ରାଜ୍ୟକୁ ବାହାର ରାଜ୍ୟରୁ ଆବଶ୍ୟକତାର ହାରାହାରି ୭୦ ପ୍ରତିଶତ ଆଳୁ ଆସିଥାଏ ।

ବର୍ତ୍ତମାନ ଆଳୁ ଦର ସାଧାରଣ ହାଟରେ ୨୪ ଟଙ୍କା ରହିଛି । ପାଇକାରୀ ଦର ଆଳୁ କ୍ୱିଣ୍ଟା ପିଛା ୧୭ ଶହରୁ ୧୮ ଶହ ଟଙ୍କା ରହିଥିବା କହିଛନ୍ତି ବ୍ୟବସାୟୀ ସଂଘ ସଭାପତି ସୁବାସ ପଣ୍ଡା । ରାଜ୍ୟର ଗୋଦାମମାନଙ୍କରେ ଯଥେଷ୍ଟ ଆଳୁ ମହଯୁଦ୍ ରହିଛି । ତେଣୁ, ଦର ବୃଦ୍ଧି ହେବାର ଆଶଙ୍କା ନାହିଁ ।

ଯଦି ବି ଦର ବୃଦ୍ଧି ହଏ ଆଳୁ କେଜି ପିଛା ୩୦ ଟଙ୍କା ପାଖାପାଖି ରହିବ । ପାଇକାରୀ ଦଳ ବଢ଼ି ୨୨ଶହ ଟଙ୍କା ହେଲେ କେଜି ପିଛା ଦର ୩୦ ଟଙ୍କା ହୋଇପାରେ ବୋଲି ବ୍ୟବସାୟୀ ସଂଘ ସଭାପତି ସୁବାସ ପଣ୍ଡା କହିଛନ୍ତି ।

Leave a Reply