ସ୍ୱାଭିମାନ ଅଞ୍ଚଳରୁ ବିପୁଳ ମାଓ ସାମଗ୍ରୀ ଜବତ

ମାଲକାନଗିରି: ସ୍ୱାଭିମାନ ଅଞ୍ଚଳରେ ପୋଲିସକୁ ପୁଣି ସଫଳତା । କମ୍ବିଂ ଅପରେସନ୍ ବେଳେ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ । ୩ଟି ବନ୍ଧୁକ, ଗୋଟିଏ ଆଇଇଡି ବୋମା, ଗୁଳି ସମେତ ମାଓବାଦୀଙ୍କ ବ୍ୟବହୃତ ସାମଗ୍ରୀ ଜବତ କରିଛି ପୋଲିସ । ଗତ କିଛି ଦିନ ଧରି ଆନ୍ଧ୍ର-ଓଡ଼ିଶା ଓ ବିଏସଏଫ ମିଳିତ ଅପରେସନ ଜାରି ରଖିଛନ୍ତି ।

ସ୍ୱାଭିମାନ ଅଞ୍ଚଳରେ ଥିବା ଗୋରାସେତୁ ଜଙ୍ଗଲରେ ସର୍ଚ୍ଚ ଅପରସେନ କରାଯାଇଥିଲା । ଉଦ୍ଧାର ହୋଇଥିବା ଅସ୍ତ୍ରଶସ୍ତ୍ର ମାଓବାଦୀ ଠୁଳ କରିଥିଲେ ବୋଲି ସୂଚନା ଦେଇଛନ୍ତି ମାଲକାନଗିରି ଏସପି ଋଷିକେଶ ଖିଲାରୀ ।