ବାଲିଗାଡ଼ି ଅଟକାଇ ଚାନ୍ଦା ମାଗିଲେ ପୋଲିସ କର୍ମଚାରୀ: ଭିଡିଓ ଭାଇରାଲ୍

ଖୋର୍ଦ୍ଧା: କରୋନା କଟକଣାର ଫାଇଦା ଉଠାଉଛି ପୋଲିସ । ଖୋର୍ଦ୍ଧାରେ ଲକଡାଉନ ଥିବାବେଳେ ଜାତୀୟ ରାଜପଥରେ ସାଦା ପୋଷାକରେ ପୋଲିସ୍ ଚାନ୍ଦା ଆଦାୟ କରୁଥିବା ଅଭିଯୋଗ ହୋଇଛି । ଏହାର ଏକ ଭିଡିଓ କ୍ଲିପ ଏବେ ଭାଇରାଲ ହେବାରେ ଲାଗିଛି । ଗତକାଲି ରାତିରେ ଜଣେ ପୋଲିସ ସାଧା ପୋଷାକରେ ବାଲିଗାଡି ଅଟକାଇ ଚାନ୍ଦା ଆଦାୟ କରୁଥିଲେ ।

ଗାଡ଼ି ଚାଳକ ଏହାକୁ ବିରୋଧ କରିବାରୁ ଉପରିସ୍ଥ ଅଧିକାରୀଙ୍କୁ ଡାକିଥିଲେ । କୋଭିଡ ଗାଡିରେ ଆସି ପୋଲିସ ମଧ୍ୟ ଲୋକଙ୍କ ବିରୋଧର ସମ୍ମୁଖିନ ହୋଇଥିଲେ । ଖୋର୍ଦ୍ଧା ଜିଲ୍ଲାରେ ସଂକ୍ରମଣ ସଂଖ୍ୟା ବୃଦ୍ଧି ପାଇଥିବାବେଳେ ଏସପି କାର୍ଯ୍ୟାଳୟ ଠାରୁ ଟାଉନ ଥାନା ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ୍‌ ଘୋଷଣା କରାଯାଇଛି ।

ଏହି ସମୟରେ ଜନସାଧାରଣଙ୍କୁ ପୋଲିସ୍ ସେବା ଏକପ୍ରକାର ବନ୍ଦ ହୋଇଯାଇଥିବା ଅଭିଯୋଗ ମଧ୍ୟ ହୋଇଛି । ତେବେ ଏନେଇ ତଦନ୍ତ ଚାଲିଛି, ସତ୍ୟତା ଥିଲେ ନିଶ୍ଚିତ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଖୋର୍ଦ୍ଧା ଏସପି ।

Leave a Reply