ଚୀନ୍‌କୁ ଲାଗିବ ଦ୍ୱିତୀୟ ବଡ଼ ଝଟକା, ମୋଦିଙ୍କ ଦେଶୀ ଆପ୍ ଆହ୍ୱାନ୍‌

ନୂଆଦିଲ୍ଲୀ: ଚୀନକୁ କଡ଼ା ଜବାବ ଦେବା ପାଇଁ ଭାରତ ସରକାର ଚୀନ୍‌ର ୫୯ଟି ଆପକୁ ଭାରତରୁ ବିଦା କରିଛନ୍ତି । ଯାହା ପରେ ଚାଇନାକୁ ବଡ଼ ଆର୍ଥିକ କ୍ଷତି ସହିବାକୁ ପଡ଼ିଛି । ଆଉ ଏବେ ଭାରତକୁ ‘ଆତ୍ମନିର୍ଭରଶୀଳ’ କରିବାକୁ ଯୋଜନା ଆରମ୍ଭ କରିଛନ୍ତି ମୋଦି । ପ୍ରଧାନମନ୍ତ୍ରୀ ମୋଦୀ ଶନିବାର ଟ୍ୱିଟ୍ କରି କହିଛନ୍ତି ଯେ, ସେ ଆତ୍ମନିର୍ଭରଶୀଳ ଇଣ୍ଡିଆ ଆପ୍ ଇନୋଭେସନ୍ ଚ୍ୟାଲେଞ୍ଜ ଆରମ୍ଭ କରିବାକୁ ଯାଉଛନ୍ତି ।

Today there is immense enthusiasm among the tech & start-up community to create world class Made in India Apps. To facilitate their ideas and products @GoI_MeitY and @AIMtoInnovate are launching the Aatmanirbhar Bharat App Innovation Challenge. https://t.co/h0xqjEwPko

— Narendra Modi (@narendramodi) July 4, 2020

ମୋଦୀ ଲେଖିଛନ୍ତି, ‘ମେଡ ଇନ୍ ଇଣ୍ଡିଆ ଆପ୍ ତିଆରି କରିବାକୁ ଟେକ୍‌ ଏବଂ ଷ୍ଟାର୍ଟଅପ୍  ମଧ୍ୟରେ ଅପାର ଉତ୍ସାହ ରହିଛି । ତେଣୁ @GoI_MeitY ଏବଂ @AIMtoInnovate ଏକତ୍ର ଏକ ଅଭିନବ ଚ୍ୟାଲେଞ୍ଜ ଆରମ୍ଭ କରୁଛନ୍ତି । ପିଏମ୍‌ ମୋଦି କହିଛନ୍ତି ଯେ ଯଦି ଆପଣଙ୍କର ଏପରି କରିବାର କ୍ଷମତା ରହିଛି ତେବେ ଟେକ କମ୍ୟୁନିଟିରେ ଯୋଗ ଦିଅନ୍ତୁ ।

ଲିଙ୍କଡଇନ ରେ ପ୍ରଧାନମନ୍ତ୍ରୀ ମୋଦି ଦେଶୀ ଆପ୍‌କୁ ନେଇ ନିଜର ଏହି ବିଚାର ରଖିଛନ୍ତି । ଭାରତ ସରକାର ଚାଇନାରେ ଏଭଳି ଅନେକ ଆପ୍ ଉପରେ ପ୍ରତିବନ୍ଧକ ଲଗାଇଛନ୍ତି । ଯାହା ଭାରତରେ ବହୁତ ଲୋକପ୍ରିୟ ହୋଇପାରିଛି ଏବଂ ବିପୁଳ ପରିମାଣରେ ରୋଜଗାର କରିଛି । ସୀମାରେ ଚୀନର ଅହଂକାର ଦେଖିବା ପରେ ସରକାର ଏହି ପଦକ୍ଷେପ ନେଇଥିଲେ ।