ପଶ୍ଚିମବଙ୍ଗରେ ପହଞ୍ଚିଲେ ପ୍ରଧାନମନ୍ତ୍ରୀ, ମମତା କହିଲେ ‘ଅମ୍ଫାନ’ ଘୋଷଣା ହେଉ ଜାତୀୟ ବିପର୍ଯ୍ୟୟ

1 min read

କୋଲକାତା: ପଶ୍ଚିମବଙ୍ଗରେ ସାମୁଦ୍ରିକ ଝଡ଼ ‘ଅମ୍ଫାନ’ ଭୀଷଣ କ୍ଷୟକ୍ଷତି କରିଛି । ବିଗତ ୨୮୩ ବର୍ଷ ମଧ୍ୟରେ ପଶ୍ଚିମବଙ୍ଗରେ ‘ଅମ୍ଫାନ’ ହେଉଛି ସବୁଠୁ ବଡ଼ ବାତ୍ୟା । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତାଙ୍କ ଅପିଲ୍ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି କୋଲକାତା ବିମାନବନ୍ଦରରେ ପହଞ୍ଚିଛନ୍ତି । ମମତା ବିମାନବନ୍ଦରରେ ମୋଦିଙ୍କୁ ସ୍ୱାଗତ କରିବା ପରେ ଉଭୟ ଆକାଶ ମାର୍ଗରୁ ପ୍ରଭାବିତ ଅଞ୍ଚଳକୁ ସର୍ଭେ ପାଇଁ ବାହାରିଛନ୍ତି । ‘ଅମ୍ଫାନ’କୁ ଜାତୀୟ ବିପର୍ଯ୍ୟୟ ଘୋଷଣା ପାଇଁ ମମତା ଦାବି କରିଛନ୍ତି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ରାଜ୍ୟପାଳ ଜଗଦୀପ ଧନକଡ଼ ଓ କେନ୍ଦ୍ରମନ୍ତ୍ରୀ ଆକାଶ ମାର୍ଗରୁ ‘ଅମ୍ଫାନ’ ପ୍ରଭାବିତ ଅଞ୍ଚଳକୁ ବୁଲି ଦେଖୁଛନ୍ତି । ପିଏମ୍ ମୋଦି ଉତ୍ତର ଓ ସାଉଥ୍ ପ୍ରଗଣା ଅଞ୍ଚଳ ବୁଲି ଦେଖିବା ପରେ ବସିରହାଟ ଯିବେ, ସେଠାରେ ବୈଠକ ହେବାର ଅଛି ।

ଶୁକ୍ରବାର ସକାଳ ସୁଦ୍ଧା ‘ଅମ୍ଫାନ’ ଯୋଗୁଁ ପଶ୍ଚିମବଙ୍ଗରେ ୮୦ ଲୋକଙ୍କ ମୃତ୍ୟୁ ହୋଇଛି । ରାଜ୍ୟରେ ଏକ ଲକ୍ଷ କୋଟି ଟଙ୍କାର କ୍ଷୟକ୍ଷତି ହୋଇଥିବା ଅନୁମାନ କରାଯାଉଛି ।

କରୋନା ଭାଇରସ୍ ଯୋଗୁଁ ଦିଲ୍ଲୀରେ ଥିବା ପ୍ରଧାନମନ୍ତ୍ରୀ ମୋଦି, ପ୍ରାୟ ୮୩ ଦିନ ପରେ ପ୍ରଥମଥର ପାଇଁ ଦିଲ୍ଲୀ ବାହାରକୁ ଯାତ୍ରା କରିଛନ୍ତି । ପଶ୍ଚିମବଙ୍ଗରେ ସମୀକ୍ଷା ପରେ ପ୍ରଧାନମନ୍ତ୍ରୀ ମୋଦି ଓଡ଼ିଶା ଆସିବେ । ଭୁବନେଶ୍ୱର ବିମାନବନ୍ଦରରେ ପହଞ୍ଚିବା ପରେ ପ୍ରଧାନମନ୍ତ୍ରୀ ବାତ୍ୟା ପ୍ରଭାବିତ ବାଲେଶ୍ୱର, ଜଗତସିଂହପୁର, କେନ୍ଦ୍ରାପଡ଼ା ଓ ଭଦ୍ରକ ଜିଲ୍ଲା ଆକାଶମାର୍ଗରୁ ପରିଦର୍ଶନ କରିବାକ କାର୍ଯ୍ୟକ୍ରମ ରହିଛି ।

ଗସ୍ତ ପୂର୍ବରୁ କେନ୍ଦ୍ର କ୍ୟାବିନେଟ ସଚିବଙ୍କୁ ପ୍ରାଥମିକ କ୍ଷୟକ୍ଷତି ରିପୋର୍ଟ ଦେଲା ରାଜ୍ୟ

Leave a Reply