Bihar Result 2020 ! ଲାଲୁ ତନୟରୁ ବିହାର କା ଲାଲା , ତେଜସ୍ୱୀ ପଡିଲେ ଭାରି
1 min read
ପାଟନା : ରାଜ ତିଲକ କି ଆଇ ବାରୀ, ଭାଇ ତେଜସ୍ୱୀ ସବ ପେ ଭାରୀ, ୟୁବା ବିହାର, ତେଜସ୍ୱୀ ସରକାର । ଇଏ ଥିଲା ଲାଲୁ ଯାଦବଙ୍କ କନ୍ୟା ରାଜଲକ୍ଷ୍ମୀ ଯାଦକ କରିଥିବା ଏକ ଟୁଇଟ୍ । ନଭେମ୍ବର ୭ରେ ତୃତୀୟ ପର୍ଯ୍ୟାୟ ବିହାର ବିଧାନସଭା ନିର୍ବାଚନ ସରିବା ପରେ ଆସିଥିଲା ଏକଜିଟ୍ ପୋଲ୍ । ଆଉ ପ୍ରାୟ ସବୁ ପୋଲ ଦେଖାଇଥିଲା ଏକ ପ୍ରକାର ମତ । ଏନଡିଏଠାରୁ ୟୁପିଏ ରହୁଛି ଆଗରେ । କିଏତ ୧୮୦ ଆସନ ତେଜସ୍ୱୀଙ୍କୁ ଦେବାକୁ ପଛାଇ ନାହାନ୍ତି ।
ହେଲେ ସେ ଯାହା ବି ହେଉ । ଇଲେକ୍ସନ ଆସିବା ଆଗରୁ ଦୁର୍ବଳ ମନେ ହେଉଥିବା ଆରଜେଡି-କଂଗ୍ରେସ-ବାମମେଣ୍ଟ । ପ୍ରଥମ ପର୍ଯ୍ୟାୟ ପୂର୍ବରୁ ଧାର ଧରି ନେଇଥିଲା ମହାମେଣ୍ଟ । ସମୟ ବଢିବା ସହ ଲୋକପ୍ରିୟତା ସାଉଁଟି ଚାଲିଥିଲା । ଭିଡ ବଢିଥିଲା । ଖାଲି ଭିଡ ବଢି ନ ଥିଲା । ଏହା ଭୋଟରେ ମଧ୍ୟ ରୂପାନ୍ତରିତ ହେବାରେ ଲାଗିଥିଲା ।
राजतिलक की आई बारी,
भाई तेजस्वी सब पर भारी!युवा बिहार, तेजस्वी सरकार! #TejashwiYadav
— Raj Lakshmi Yadav راج لکشمی (@Rajlakshmiyadav) November 7, 2020
ମହାମେଣ୍ଟ ପ୍ରାୟ ୪୪ ପ୍ରତିଶତ ଭୋଟ ପାଉଥିବା କୁହାଯାଇଛି । ଏନଡିଏରୁ ଏଲଜେପି ବିଭାଜନ ଜେଡିୟୁ ପାଇଁ କ୍ଷତି ଆଣିଛି । ହେଲେ ମହାମେଣ୍ଟ ପାଇଁ ନୁହେଁ । ତେଣୁ ବିଭାଜିତ ମନେ ହେଉଥିବା ବିରୋଧୀ ମେଣ୍ଟ ସଂଗଠିତ ହେବାରେ ଲାଗିଥିଲା । ଆଉ କ୍ଷମତାରେ ଥିବା ଏନଡିଏ ପରୀକ୍ଷା କରିବାକୁ ଯାଇ ଅକଳରେ ପଡିଥିବା ଏକଜିଟ୍ ପୋଲରୁ ସ୍ପଷ୍ଟ ହୋଇଛି ।
