ବିଜୁ ପଟ୍ଟନାୟକ କ୍ରୀଡ଼ା ସମ୍ମାନ ପାଇବେ ପାରା ଆଥଲେଟ୍ ଜୟନ୍ତୀ ବେହେରା

ଭୁବନେଶ୍ୱର: ପାରା ଆଥଲେଟ୍ ଜୟନ୍ତୀ ବେହେରାଙ୍କୁ ମିଳିବ ବିଜୁ ପଟ୍ଟନାୟକ କ୍ରୀଡ଼ା ସମ୍ମାନ । ଜାତୀୟ କ୍ରୀଡ଼ା ଦିବସ ଆସନ୍ତା ୨୯ ତାରିଖରେ ପୁରସ୍କୃତ ହେବେ ଧାବିକା ଜୟନ୍ତୀ । ୨୦୧୭ ଜୁନିଅର ୱାର୍ଲଡ ପାରା ଆଥଲେଟିକ ଚାମ୍ପିଅନସିପ ଜିତିଥିଲେ ଜୟନ୍ତୀ ।

୪ ଶହ ମିଟର ରେସରେ ସ୍ୱର୍ଣ୍ଣ, ୨ ଶହ ମିଟର ରେସରେ ରୌପ୍ୟ ପଦକ ସହ ପଞ୍ଚମ ଚାଇନା ଓପନ୍ ଆଥଲେଟିକ ଚାମ୍ପିଅନସିପରେ ବି ସ୍ୱର୍ଣ୍ଣ ଓ ରୌପ୍ୟ ପଦକ ଜିତିଥିଲେ । ଏଥିସହ ୨୦୧୮ ଏସିଆନ ପାରାଗେମ୍ସରେ ୪ ଶହରେ ରୌପ୍ୟ ପଦକ ଜିତିଥିଲେ । ୨୦୧୮ ଏସିଆନ ପାରାଗେମ୍ସରେ ୨ ଶହ ମିଟରରେ ବ୍ରୋଞ୍ଜ ପଦକ ଜିତିଥିଲେ । ବର୍ତ୍ତମାନ ସୁଦ୍ଧା ସେ ଅନ୍ତର୍ଜାତୀୟରେ ୯ଟି ଓ ଜାତୀୟ ଖେଳରେ ୧୨ଟି ପଦକ ଜିତିଛନ୍ତି ।