OTT ଓ ସୋସିଆଲ ମିଡିଆ ପାଇଁ ନିୟମ ଜାରି, ଓଟିଟି ପାଇଁ ସେନସର ବୋର୍ଡ
1 min read
ନୂଆଦିଲ୍ଲୀ: ଭାରତରେ ସୋସିଆଲ ମିଡିଆ ଓ ଓଟିଟି ପ୍ଲାଟଫର୍ମ ପାଇଁ ନୂଆ ନିୟମ । ନିୟମ ଜାରି କରିଛି କରିଛି କେନ୍ଦ୍ର ସୂଚନା ଓ ପ୍ରସାରଣ ବିଭାଗ । ଏନେଇ କେନ୍ଦ୍ର ମନ୍ତ୍ରୀ ରବିଶଙ୍କର ପ୍ରସାଦ କହିଛନ୍ତି ଯେ, ବିଦେଶୀ ସୋସିଆଲ ମିଡିଆ କମ୍ପାନୀ ଭାରତକୁ ଆସନ୍ତୁ କିନ୍ତୁ ସୋସିଆଲ ମିଡିଆର ଅପବ୍ୟବହରା ଉପରେ ଅଭିଯୋଗ ପାଇଁ ଫୋରମ ରହିବାର ଆବଶ୍ୟକତା ରହିଛି ।
ସୋସିଆଲ ମିଡିଆର ଦୁରୁପଯୋଗକୁ ନେଇ ବ୍ୟାପକ ଆଲୋଚନା ପରେ ୨୦୧୮ ଡିସେମ୍ବର ମାସରେ ସରକାର ଏକ ଡ୍ରାଫ୍ଟ ତିଆରି କରିଥିଲେ । ନୂଆ ଗାଇଡ ଲାଇନ୍ ଅନୁସାରେ କୌଣସି ଅଭିଯୋଗ ଆସିଲେ ସୋସିଆଲ ମିଡିଆ ପ୍ଲାଟଫର୍ମକୁ ସେହି କଣ୍ଟେଣ୍ଟକୁ ହଟାଇବାକୁ ପଡିବ ।
ସେହିପରି ୩ ମାସ ମଧ୍ୟରେ ନୂଆ ଆଇନକୁ କାର୍ଯ୍ୟକାରୀ କରାଯିବ । ରବି ଶଙ୍କର ପ୍ରସାଦ କହିଛନ୍ତି, ଭାରତରେ ହ୍ବାଟ୍ସଅପରେ ୫୩ କୋଟି, ଫେସବୁକର ୪୦ କୋଟି ଏବଂ ଟ୍ବିଟରର ୧ କୋଟି ୟୁଜର ରହିଛନ୍ତି । ତେଣୁ ଭାରତରେ ଏହି କମ୍ପାନୀ ମାନେ ମାତ୍ରାଧିକ ସୁବିଧା ଉଠାଉଛନ୍ତି ଏବଂ ଉପଯୋଗ କରୁଛନ୍ତି ମଧ୍ୟ । କିନ୍ତୁ ଏହା ଉପରେ ଆଇନ ଆଣିବା ଆବଶ୍ୟକ ରହିଥିବା କହିଛନ୍ତି ରବଶିଙ୍କର ।
ସାମ୍ବାଦିକ ସମ୍ମିଳନୀରେ ସୂଚନା ଦେଇ କେନ୍ଦ୍ର ମନ୍ତ୍ରୀ କହିଛନ୍ତି, ଅନଲାଇନରେ ପ୍ଲାଟଫର୍ମକୁ ଯେଉଁଭଳି ଉପଯୋଗ କରାଯାଉଛି, ଏବଂ ଯେଉଁ ସବୁ କଣ୍ଟେଟ ପଡୁଛି । ତାହା ଉପରେ ଗାଇଡଲାଇନ ଆଣିବାର ଆବଶ୍ୟକତା ଥିବା ସୁପ୍ରିମକୋର୍ଟ କହିଥିଲେ । ନିର୍ଦ୍ଦେଶ ପରେ ଭାରତ ସରକାର ଏହା ଉପରେ ନିର୍ଦେଶାବଳୀ ଆଣିବାକୁ ଯାଉଛନ୍ତି ।
ବର୍ତ୍ତମାନ ଭାରତ ସରକାର ଅନଲାଇନ ପ୍ଲାଟଫର୍ମ ଉପରେ ବିଶେଷ ହସ୍ତକ୍ଷେପ କରିବାକୁ ଚାହୁଁ ନାହାନ୍ତି ବଂର ୟୁଜର୍ସ ନିଜେ ଭେରିଫିକେସନ କରିବା ଉଚିତ ବୋଲି କହିଛନ୍ତି କେନ୍ଦ୍ରମନ୍ତ୍ରୀ । ସେହିଭଳି ସୋସିଆଲ ମିଡିଆରେ ମିଥ୍ୟା ଖବର ପ୍ରସାରଣ କରିବା ଏବଂ ଗୁଜବ ସୃଷ୍ଟି କରୁଥିବା ୟୁଜର୍ସଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ରବିଶଙ୍କର ପ୍ରସାଦ ।
ପ୍ରତ୍ୟେକ ୬ ମାସ ମଧ୍ୟରେ ଯାଞ୍ଚ ବ୍ୟବସ୍ଥାକୁ ଆହୁରି ସୁଦୃଢ କରାଯିବ । କୌଣସି ଆପତ୍ତିଜନକ ପୋଷ୍ଟର ଅଭିଯୋଗ ହେଲେ ୨୪ ଘଣ୍ଟା ମଧ୍ୟରେ ହଟାଯିବ । କୌଣସି ଆପତ୍ତିଜନକ ପୋଷ୍ଟ ଏହାର ମୁଳ ସୃଷ୍ଟିକାରୀ କିଏ ତାହା ଜାଣିବାକୁ ସରକାର ଯଦି ରିପୋର୍ଟ ମାଗନ୍ତି ୭୨ ଘଣ୍ଟା ମଧ୍ୟରେ ସୋସିଆଲ ମିଡ଼ିଆକୁ ତାର ରିପୋର୍ଟ ଦେବାକୁ ପଡିବ । ଓଟିଟି କମ୍ପାନୀଙ୍କୁ ଅଭିଯୋଗ ଶୁଣାଣି ପାଇଁ ନିଯୁ୍କ୍ତି କରିବାକୁ କେନ୍ଦ୍ର ସରକାର ଗାଇଡଲାଇନରେ କହିଛନ୍ତି । ଭାରତ ଏକତା, କାନୁନ ବ୍ୟବସ୍ଥା ଓ ସମ୍ବିଧାନକୁ ବିରୋଧ କରି ପ୍ରଥମେ କିଏ ସୋସିଆଲ ମିଡିଆରେ ଅପଲୋଡ କଲା ତାର ସମ୍ପୂର୍ଣ୍ଣ ଡିଟେଲ୍ସ ଦେବାକୁ ପଡିବ ।
ଏସବୁ ଗାଇଡଲାଇନକୁ ସୋସିଆଲ ମିଡିଆ ଓ ଓଟିଟି ପ୍ଲାଟଫର୍ମ ମାନିବାକୁ ବାଧ୍ୟ । ଯଦି ନମାନିଲେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରାଳୟ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବେ । ଏଥିସହ ଓଟିଟି ପ୍ଲାଟଫର୍ମ ସେମାନଙ୍କ କାର୍ଯ୍ୟକ୍ରମକୁ ୟୁ-ଏ ୭ ପ୍ଲସ, ୟୁ-ଏ ୧୩ ପ୍ଲସ, ୟୁ-ଏ ୧୬ ପ୍ଲସ, ଏ କାଟାଗୋରୀରେ ବିଭିକ୍ତ କରିବାକୁ ପଡିବ । ଏ କାଟାଗୋରୀ ପାଇଁ ପେରେଣ୍ଟାଲ ଲକ୍ କରିବାକୁ ପଡିବ, ଯାହା ଦ୍ବାରା ଛୋଟ ପିଲା ମାନେ ମଧ୍ୟ ସେଭଳି ବିଷୟ ବସ୍ତୁ ଦେଖିବାଠୁ ଦୂରରେ ରହିବେ ।
