ମହାନଦୀରୁ ଅଭିନେତା ଅମ୍ଳାନଙ୍କ ପତ୍ନୀ ଉଦ୍ଧାର ଘଟଣା, ମୁହଁ ଖୋଲିଲେ ଭୂମିକା

ଭୁବନେଶ୍ୱର: ମହାନଦୀରୁ ଅଭିନେତା ଅମ୍ଳାନଙ୍କ ପତ୍ନୀ ଉଦ୍ଧାର ଘଟଣା । ମୁହଁ ଖୋଲିଲେ ଅମ୍ଳାନଙ୍କ ପତ୍ନୀ । ସେ ଉପବାସ କରିଥିବାରୁ ତାଙ୍କୁ ଦୁର୍ବଳ ଲାଗୁଥିଲା । ପୂଜା ସାମଗ୍ରୀ ପକାଇବାକୁ ଗଲାବେଳେ ମୁଣ୍ଡ ବୁଲାଇ ଦେଇଥିଲା । ହାଇ ହିଲ ଜୋତା ପିନ୍ଧିଥିବାରୁ ଗୋଡ଼ ଖସିଗଲା ଓ ସେ ପଡ଼ି ଯାଇଥିଲେ । ତେଣୁ ମିଛ ଖବର ପ୍ରଚାର କରି ତାଙ୍କ ପରିବାର ଓ ସ୍ୱାମୀଙ୍କୁ ବଦନାମ ନକରାଯାଉ ବୋଲି ସେ ନିବେଦନ କରିଛନ୍ତି ।

ଗତକାଲି ଅପରାହ୍ନରେ କଟକ ବିଜୁ ପଟ୍ଟନାୟକ ପାର୍କ ନିକଟ ମଧୁସୂଦନ ସେତୁ ଉପରୁ ମହାନଦୀକୁ ଅଭିନେତା ଅମ୍ଲାନଙ୍କ ପତ୍ନୀ ଖସି ପଡିଥିଲେ । ଏନେଇ ସ୍ଥାନୀୟ ଲୋକ ପୋଲିସ ଓ ଅଗ୍ନିଶମ ବାହିନୀକୁ ଜଣାଇବା ସହ ଉଦ୍ଧାର କାମ କରିଥିଲେ। ଅଭିନେତା ଅମ୍ଲାନଙ୍କ ପତ୍ନୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇ ପ୍ରାଥମିକ ଚିକିତ୍ସା କରାଯାଇଥିଲା ।