କୋଭିଡ୍ ଗାଇଡଲାଇନରେ କାଲିଠୁ OJEE, ୩ଟି ସିଫ୍ଟରେ ହେବ ପରୀକ୍ଷା

ଭୁବନେଶ୍ୱର: କାଲିଠୁ ଓଜେଇଇ । କୋରୋନା କଟକଣା ଭିତରେ ଜେଇଇ ମେନ୍ ଢାଞ୍ଚାରେ ସମ୍ପୂର୍ଣ୍ଣ ଅନଲାଇନରେ ହେବ ଓଜେଇଇ ପରୀକ୍ଷା । ୧୨ ତାରିଖରୁ ୧୯ ତାରିଖ ପର୍ଯ୍ୟନ୍ତ OJEE ପରୀକ୍ଷା ହେବ । ଦିନକୁ ମୋଟ ତିନୋଟି ସିଫ୍ଟରେ ପରୀକ୍ଷା ହେବା ସହ ରେକର୍ଡ ସଂଖ୍ୟକ ପରୀକ୍ଷାର୍ଥୀ ହେତୁ ଏକାଧିକ ସିଟିଂରେ ପରୀକ୍ଷା କରିବାକୁ ନିଷ୍ପତ୍ତି ହୋଇଛି । ଚଳିତ ବର୍ଷ ୭୯ ହଜାର ୮୦୦ ଛାତ୍ରଛାତ୍ରୀ ପରୀକ୍ଷା ପାଇଁ ପଞ୍ଜିକରଣ କରିଛନ୍ତି ।

ରାଜ୍ୟର ୨୧ଟି ସହରରେ ମୋଟ ୫୪ଟି ଓ ରାଜ୍ୟ ବାହାରେ ୫ଟି ପରୀକ୍ଷା କେନ୍ଦ୍ର କରାଯାଇଛି । କୋଭିଡ୍ କଟକଣା ଦୃଷ୍ଟିରୁ ସ୍ୱତନ୍ତ୍ର ଏସଓପି ଜାରି କରାଯାଇଛି । ପ୍ରତି ସିଫ୍ଟ ପରୀକ୍ଷା ପରେ ହଲକୁ ବିଶୋଧନ କରାଯିବ । ପରୀକ୍ଷାର୍ଥୀମାନଙ୍କୁ ମାସ୍କ, ନିଜସ୍ୱ ସାନିଟାଇଜର ଓ ପାଣି ବୋତଲ ଆଣିବାକୁ କୁହାଯାଇଛି ।