ସରକାରୀ କର୍ମଚାରୀଙ୍କ ଉପରେ ସରକାରଙ୍କ ଛାଟ, ମନଇଚ୍ଛା କରିପାରିବେନି ସୋସିଆଲ ମିଡିଆର ବ୍ୟବହାର
ସରକାରୀ ଚାକିରିଆଙ୍କୁ ସରକାରଙ୍କ ଛାଟ୍ । ଏଣିକି ମନ ଇଚ୍ଛୋ ସୋସିଆଲ ମିଡିଆ ବ୍ୟବହାର କରିପାରିବେ ନାହିଁ । ଏନେଇ ଆଜି ସରକାରଙ୍କ ପକ୍ଷରୁ କଡ଼ା ନିର୍ଦ୍ଦେଶ ଦିଆଯାଇଛି ।
ସରକାରୀ କର୍ମଚାରୀଙ୍କ ସରକାର ଜାରି କରିଛନ୍ତି ସୋସିଆଲ ମିଡିଆ ଗାଇଡ୍ ଲାଇନ୍ । ଚାକିରି ସମ୍ବନ୍ଧୀୟ କୌଣସି ସମସ୍ୟା ନେଇ କୌଣସି ବି ସରକାରୀ କର୍ମଚାରୀ ସୋସିଆଲ ମିଡିଆରେ ଆଲୋଚନା କରିପାରିବେ ନାହିଁ । ଏହା ସରକାରୀ ଚାକିରି ନିୟମର ଉଲ୍ଲଂଘନ କରୁଛି ବୋଲି କୁହାଯାଇଛି ।
ଗଭର୍ଣ୍ଣମେଣ୍ଟ ସର୍ଭିସ କଣ୍ଡକ୍ଟ ରୁଲ୍ ୭ ଓ ୨୩କୁ ଉଲ୍ଲଂଘନ କରୁଛି ସୋସିଆଲ ମିଡିଆର ଏଭଳି ବ୍ୟବହାର । ନିଯୁକ୍ତି, ଦରମା, କାର୍ଯ୍ୟକ୍ଷେତ୍ରରେ ସମସ୍ୟା ସମ୍ପର୍କରେ ବାହାରେ ଆଲୋଚନା କରିବା ନିୟମ ଅନୁଯାୟୀ ଅପରାଧ । ଉଭୟ ଚୁକ୍ତିଭିତ୍ତିକ ଓ ସ୍ଥାୟୀ କର୍ମଚାରୀଙ୍କ ପାଇଁ ଏହା ପ୍ରଯୁଜ୍ୟ ।
କିଛି କର୍ମଚାରୀ ସୋସିଆଲ ମିଡିଆରେ ଚାକିରି ଓ ଦରମା ବାବଦରେ କହିବା ସହ ଉପରିସ୍ଥ ଅଧିକାରୀଙ୍କ ବାବଦରେ ବି ବିବୃତି ରଖୁଛନ୍ତି । ଏହାକୁ ନଜରରେ ରଖି ଗୃହ ବିଭାଗ ଏଭଳି ନିର୍ଦେଶନାମା ଜାରି କରିଛି । ଏନେଇ ଅତିରିକ୍ତ ମୁଖ୍ୟଶାସନ ସଚିବ, ପ୍ରମୁଖ ସଚିବ, ସ୍ୱତନ୍ତ୍ର ସଚିବଙ୍କୁ ଗୃହ ସଚିବ ସଂଜୀବ ଚୋପ୍ରା ଚିଠି ଲେଖିଛନ୍ତି ।
