କରୋନା ଆକ୍ରାନ୍ତଙ୍କୁ ହସ୍ପିଟାଲ ସ୍ଥାନାନ୍ତର କଲା ଓଡ଼ିଶା-ମୋ ପରିବାର

1 min read

ଭଦ୍ରକ: ବାସୁଦେବପୁର ବ୍ଲକ ନଳପାଟଣା ଗାଁର ଶାନ୍ତିଲତା ମଣ୍ଡଳ ନାମକ ଜଣେ ୩୬ ବର୍ଷୀୟା ମହିଳା ଦୀର୍ଘ ୧୫ ଦିନ ଧରି କଟକର ଏକ ଘରୋଇ ସହସ୍ପିଟାଲରେ ଚିକିତ୍ସିତ ହେଉଥିଲେ । ହେଲେ ତାଙ୍କଠାରେ କୋଭିଡ୍ ଭୂତାଣୁ ଚିହ୍ନଟ ହେବାରୁ ସଂପୃକ୍ତ ହସ୍ପିଟାଲ କର୍ତ୍ତୃପକ୍ଷ ତାଙ୍କୁ ଏକ ଆମ୍ବୁଲାନ୍ସ ଯୋଗେ ଘରକୁ ପଠାଇ ଦେଇଥିଲେ । କରୋନା ସଂକ୍ରମଣ ଭୟରେ ଗ୍ରାମବାସୀ ତାଙ୍କୁ ଗାଁରେ ପଶିବାକୁ ଦେଇନଥିଲେ । ଫଳରେ ଆମ୍ବୁଲାନ୍ସଟି ସଂପୃକ୍ତ ମହିଳାଙ୍କୁ ଗାଁ ବାହାରେ ରାସ୍ତାରେ ଛାଡ଼ି ଚାଲି ଯାଇଥିଲା ।

ରୋଗୀଙ୍କ ସମ୍ପର୍କୀୟ ତାଙ୍କୁ ରାସ୍ତା ଉପରେ ରଖି ନିକଟସ୍ଥ କୋଭିଡ୍ ସେଣ୍ଟରକୁ ସ୍ଥାନାନ୍ତର କରିବା ଲାଗି ପ୍ରତିବାଦ କରିଥିଲେ । ଯାହାଫଳରେ ସଂପୃକ୍ତ ରାସ୍ତାରେ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିଲା । ଏହି ସମୟରେ ଅଜୟ ଗିରି ନାମକ ଜଣେ ଯୁବକ ଓଡ଼ିଶା-ମୋ ପରିବାର ସଦସ୍ୟା ସୁନୀତା ବିଶ୍ୱାଳଙ୍କୁ ଯୋଗାଯୋଗ କରି ଘଟଣା ସମ୍ପର୍କରେ ଜଣାଇଥିଲେ । ଘଟଣା ସମ୍ପର୍କରେ ଜଣିବା ପରେ ସୁନୀତା ବିଶ୍ୱାଳ ଓଡ଼ିଶା-ମୋ ପରିବାରର ଆବାହକ ଅରୁପ ପଟ୍ଟନାୟକଙ୍କୁ ଜଣାଇଥିଲେ । ଏହାପରେ ଅରୁପ ପଟ୍ଟନାୟକ ତତକ୍ଷଣାତ୍ ଭଦ୍ରକ ବିଧାୟକ ଶ୍ରୀ ସଞ୍ଜୀବ ମଲ୍ଲିକଙ୍କ ସହ ଯୋଗାଯୋଗ କରିଥିଲେ ।

ଅରୁପଙ୍କ ତତ୍ତ୍ୱାବଧାନରେ ଏବଂ ଓଡ଼ିଶା-ମୋ ପରିବାରର ସଦସ୍ୟ ସଞ୍ଜୀବ ମଲ୍ଲିକ ଏବଂ ସୁନୀତା ବିଶ୍ୱାଳଙ୍କ ସମନ୍ୱୟରେ ଏକ ଆମ୍ବୁଲାନ୍ସ ଯୋଗେ ଆକ୍ରାନ୍ତଙ୍କୁ ନିକଟସ୍ଥ କୋଭିଡ୍ ସେଣ୍ଟରକୁ ସ୍ଥାନାନ୍ତର କରାଯାଇଥିଲା ଏବଂ ସେଠାରେ ଯାନବାହାନ ଚଳାଚଳ ସ୍ୱାଭାବିକ ହୋଇଥିଲା । ସହାୟତା ଲାଗି ସଂପୃକ୍ତ ଆକ୍ରାନ୍ତଙ୍କ ପରିବାରବର୍ଗ ଓଡ଼ିଶା-ମୋ ପରିବାରକୁ ଧନ୍ୟବାଦ ଜଣାଇଛନ୍ତି ।

Leave a Reply