ଓଡ଼ିଶା ବନ୍ୟ ବିଭାଗ ଅଧିକାରୀ ଅଂଶୁ ପ୍ରଜ୍ଞା ଦାସଙ୍କୁ ‘ସବୁଜ ଯୋଦ୍ଧା ସମ୍ମାନ’

ଭୁବନେଶ୍ୱର: ଓଡ଼ିଶାର ସାତକୋସିଆ ଟାଇଗର ରିଜର୍ଭରେ ଥିବା ମହାନାଦୀ ବନ୍ୟପ୍ରାଣୀ ବିଭାଗର ଅଧିକାରୀ ଅଂଶୁ ପ୍ରଜ୍ଞା ଦାସଙ୍କୁ ଗୁରୁବାର ଦିନ ନାଟୱେଷ୍ଟ ଗ୍ରୁପ୍ ଆର୍ଥ ହିରୋ ପୁରସ୍କାର ୨୦୨୦ ର ଭର୍ଚୁଆଲ୍ ସମାରୋହରେ ‘ସବୁଜ ଯୋଦ୍ଧା’ ପୁରସ୍କାର ପ୍ରଦାନ କରାଯାଇଛି ।

ବାମପନ୍ଥୀ ଉଗ୍ରବାଦୀ କାର୍ଯ୍ୟକଳାପର ଉପସ୍ଥିତିରେ ସାତକୋସିଆ ଟାଇଗର ରିଜର୍ଭ (ମହାନାଦୀ WL ଡିଭିଜନ୍) ର ଦକ୍ଷିଣ ଭାଗର ପୁନରୁତ୍ଥାନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ଅଂଶୁ ପଜ୍ଞା ୫ ବର୍ଷ ଧରି ଟାଇଗର ରିଜର୍ଭରେ ବ୍ୟାପକ କାର୍ଯ୍ୟ କରିଛନ୍ତି । ତାଙ୍କର Community Engagement ପଦକ୍ଷେପ ଯୋଗୁଁ ସ୍ଥାନୀୟ ସମ୍ପ୍ରଦାୟର ସମର୍ଥନ ପାଇଥିଲେ ଯାହା ବନ୍ୟଜନ୍ତୁଙ୍କ ସୁରକ୍ଷାକୁ ବଢ଼ାଇଥିଲା ।

ଅଂଶୁଙ୍କ କାର୍ଯ୍ୟ ସଫଳତାର ସାତକୋସିଆ ଟାଇଗର ରିଜର୍ଭର ମୂଳ ଜୋନରେ ଚାଲୁଥିବା ବେଆଇନ ମାଛ ଧରିବା ରୋକିଥିଲା ଯାହା ଘଡ଼ିଆଳ କୁମ୍ଭୀର ମାନଙ୍କ ବାସସ୍ଥାନ ପ୍ରତି ବିପଦ ଥିଲା ।

ସେ ସ୍ଥାନୀୟ ସମ୍ପ୍ରଦାୟଙ୍କୁ ମୁଦୁଲିଗାଡିଆ ନାମକ ଓଡ଼ିଶାର ପ୍ରଥମ ଇକୋ– ଭିଲେଜ ପ୍ରସ୍ତୁତ କରିବାକୁ ଏକତ୍ରିତ କରିଥିଲେ, ଯାହା ଲୋକଙ୍କୁ ଆତ୍ମନିର୍ଭରଶୀଳ କରିବା ସହ ଜଙ୍ଗଲ ଉପରେ କୌଣସି ପ୍ରକାର ନିର୍ଭର ହେବାକୁ ଦେଇନଥିଲା । ୩୪ ଜଣ କମ୍ୟୁନିଟି ସଦସ୍ୟଙ୍କ ଦ୍ୱାରା ପରିଚାଳିତ ‘ସାତକୋସିଆ ସ୍ୟାଣ୍ଡ ରିସର୍ଟ ଏବଂ ପ୍ରକୃତି ଶିବିର’ ନାମକ ଇକୋଟୋରିଜିମ୍ ପ୍ରକଳ୍ପ ଗତ ୪ ବର୍ଷ ମଧ୍ୟରେ ୩ କୋଟି ଟଙ୍କା ଆୟ କରିଛି ଯାହା ଦ୍ୱାରା ସାତକୋସିଆରେ ଟାଇଗର ବାସସ୍ଥାନ ପ୍ରତି ସ୍ଥାନୀୟ ସମ୍ପ୍ରଦାୟର ସହାୟତା ଯୋଗାଇ ଦିଆଯାଇଛି ।