ଏବେ ରେଷ୍ଟୁରାଣ୍ଟରେ ଲଗାଇବାକୁ ପଡିବ ବୋର୍ଡ, ନନଭେଜ୍ ‘ହଲାଲ୍’ କି ‘ଝଟକା’

1 min read

ନୂଆଦିଲ୍ଲୀ: ନୂଆଦିଲ୍ଲୀର ଆମିଷ ରେଷ୍ଟୁରାଣ୍ଟରେ ବିକ୍ରି ହେଉଥିବା ନନଭେଜ୍ ଖାଦ୍ୟ ଗୁଡିକ ‘ହଲାଲ୍’ କି ‘ଝଟକା’ ସେନେଇ ବୋର୍ଡ ଲଗାଯିବ । ଏସମ୍ପର୍କରେ ଏକ ପ୍ରସ୍ତାବ ଉପରେ ମୋହର ମାରିଛନ୍ତି ଦକ୍ଷିଣ ଦିଲ୍ଲୀ ନଗର ନିଗମ (ଏମସିଡି) ।

ନଗର ନିଗମର କହିବାନୁଯାୟୀ ତାଙ୍କ ଅଧିନରେ ଥିବା ୪ଟି ଜୋନର ପ୍ରାୟ ୧୦୪ଟି ୱାର୍ଡରେ ହଜାରରୁ ଅଧିକ ରେଷ୍ଟୁରାଣ୍ଟ ରହିଛି । ଯେଉଁଥିରୁ କେବଳ ୧୦ ପ୍ରତିଶତ ରେଷ୍ଟୁରାଣ୍ଟରେ ନିରାମିଷ ଖାଦ୍ୟ ମିଳୁଥିବା ବେଳେ ବାକି ୯୦ ପ୍ରତିଶତ ନନଭେଜ ଖାଦ୍ୟ ପରଷି ଥାଆନ୍ତି ।

ହେଲେ ଏସବୁ ସ୍ଥାନରେ ନନଭେଜ୍ ଖାଦ୍ୟ ଗୁଡିକ ‘ହଲାଲ୍’ କି ‘ଝଟକା’ ସେ ସମ୍ପର୍କରେ ପ୍ରକାଶ କରାଯାଇ  ନଥାଏ । ବିଶେଷତଃ ହିନ୍ଦୁ ଓ ଶିଖ୍ ଧର୍ମରେ ‘ହଲାଲ୍’ ମାଂସ ଖାଇବା ବର୍ଜନୀୟ। ଆଉ ଏହାକୁ ଧର୍ମ ବିରୋଧି ବୋଲି ମଧ୍ୟ କୁହାଯାଇଥାଏ । ଯେଉଁଥିପାଇଁ ଦୋକାନ ଗୁଡିକୁ ନିର୍ଦ୍ଦେଶ ଦିଆଯାଇଛି ଯେ ସେମାନେ କେଉଁ ମାଂସକୁ ଖାଦ୍ୟ ରୂପ ପରଷୁଛନ୍ତି ସେନେଇ ସୂଚନା ଦେବେ ।

ସେହିପରି ସାଉଥ୍ ଏମଡିଏମସିର ନେତା ନରେନ୍ଦ୍ର ଚାୱଲା କହିଛନ୍ତି ଯେ ଯଦି କେହି ଏହି ଆଦେଶର ଉଲ୍ଲଂଘନ କରନ୍ତି ତାହେଲେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଜନସାଧାରଣ ଯେଉଁ ଧର୍ମର ହୁଅନ୍ତୁ କିନାହିଁ ସେମାନେ କେଉଁ ମାଂସ ଖାଉଛନ୍ତି ତାହା ଜାଣିବା ତାଙ୍କର ଏକ ଅଧିକାର ।

କାହିଁକିନା ଆହାରକୁ ନେଇ କିଛିଟା ନିର୍ଦ୍ଧାରିତ ନିୟମ ଓ ପରମ୍ପରା ରହିଛି ବୋଲି ସେ ପ୍ରକାଶ କରିଛନ୍ତି ।

Opn Commnet Area

Leave a Reply

Your email address will not be published. Required fields are marked *

Close Bitnami banner