ଓଡିଶାରେ ଆଜି ରାତି ୧୦ରୁ ସକାଳ ୫ ଯାଏଁ କର୍ଫ୍ୟୁ

1 min read

ଭୁବନେଶ୍ୱର: ନୂଆବର୍ଷ ଲାଗି ଏକପ୍ରକାର କାଉଣ୍ଟଡାଉନ୍ ଆରମ୍ଭ ହୋଇଯାଇଛି । ହେଲେ କରୋନା ପାଇଁ ନ୍ୟୁ ଇୟର ସେଲିବ୍ରେସନ୍ ଉପରେ ପ୍ରତିବନ୍ଧକ ଲଗାଯାଇଛି । କରୋନା ସଂକ୍ରମଣକୁ ଦୃଷ୍ଟିରେ ରାଜ୍ୟ ସରକାରଙ୍କ ପକ୍ଷରୁ ଆଜି ରାତି ୧୦ଟାରୁ ନାଇଟ କର୍ଫ୍ୟୁ ଲାଗୁ କରାଯାଇଛି । ଏନେଇ ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା ସୂଚନା ପ୍ରଦାନ କରିଛନ୍ତିି ।

ସୂଚନା ଅନୁଯାୟୀ ଏହି ରାତ୍ରୀକାଳୀନ କର୍ଫ୍ୟୁ ଆଜି ରାତି ୧୦ରୁ ଲାଗୁ ହେବା ସହ ଆସନ୍ତାକାଲି ତଥା ଜାନୁଆରି ୧ ତାରିଖ ସକାଳ ୫ଟା ପର୍ଯ୍ୟନ୍ତ ବଳବତ୍ତର ରହିବ । ନୂଆବର୍ଷକୁ ଦୃଷ୍ଟିରେ ରଖି ଜାରି ହୋଇଛି  ଏହି ନାଇଟ କର୍ଫ୍ୟୁ ।

ନବବର୍ଷରେ ଅତ୍ୟଧିକ ଜନଗହଳି ତଥା କରୋନା ସଂକ୍ରମଣ ବୃଦ୍ଧି ପାଇବାର ଆଶଙ୍କା ରହିଥିବାରୁ ଏହି ନିଷ୍ପତ୍ତି ନେଇଛନ୍ତି ସରକାର । ଦୀର୍ଘଦିନ ପରେ ନାଇଟ କର୍ଫ୍ୟୁ ଫେରିଥିବା ବେଳେ ସାଧାରଣ ଲୋକଙ୍କୁ ସହଯୋଗ କରିବାକୁ ଅନୁରୋଧ କରାଯାଇଛି ।

ସୂଚନା ମୁତାବକ ସାରା ରାଜ୍ୟ ରାତି ସାରା କର୍ଫ୍ୟୁ ଭିତରେ ରହିବ । ଏହି କଟକଣା ଫଳରେ ଆଉ କେହି ଘରୁ ଗୋଡ କାଢି ପାରିବେନି। କାରଣ ଅଧିକ ଲୋକ ଏକାଠି ହେଲେ କରୋନା ବ୍ୟାପିବାର ଭୟ ରହିଛି । ଏହି ଭୟକୁ ବ୍ରିଟେନ୍ ଷ୍ଟ୍ରେନ୍ ଅଧିକ ଘନିଭୂତ କରିଛି । ତେଣୁ ଡିସେମ୍ବର ୩୧ ତାରିଖ ରାତି ୧୦ରୁ ପୁରା ରାଜ୍ୟକୁ କର୍ଫ୍ୟୁ ଭିତରେ ରଖିବାକୁ ଓଡ଼ିଶା ସରକାର ନିଷ୍ପତ୍ତି ନେଇଛନ୍ତି। ତେବେ କର୍ଫ୍ୟୁ କାଳରେ ଜରୁରୀକାଳୀନ ସେବା ପୂର୍ବବତ ଜାରି ରହିବ।

ତେବେ ଏହି ସମୟରେ ଅତ୍ୟାବଶ୍ୟକ ସେବା ଓ ଯାତାୟତକୁ ଅନୁମତି ଦିଆଯାଇଛି । ଏଥିସହ ହୋଟେଲ୍‌, କ୍ଲବ୍, ପାର୍କ, କଲ୍ୟାଣ ମଣ୍ଡପ ଏବଂ ଅନ୍ୟ ସର୍ବସାଧାରଣ ସ୍ଥାନରେ ନୂଆ ବର୍ଷ ପାଳନକୁ ନିଷେଧ କରିଛନ୍ତି । ଘରେ ସେଲିବ୍ରେସନ୍ କରିବାକୁ ଏସଆରସି ନିବେଦନ କରିଛନ୍ତି । ଟେଲିଫୋନ୍, ହ୍ବାଟସ ଆପ୍ ଓ ଅନ୍ୟ ସାମାଜିକ ଗଣମାଧ୍ୟମ ଜରିଆରେ ଜଣାଇବା ସହ ଭିଡିଓ କନଫରେନ୍‌ସିଂ ମାଧ୍ୟମରେ ବନ୍ଧୁ ମିଳନ କରି ନୂଆ ବର୍ଷକୁ ଆନନ୍ଦ ଉଲ୍ଲାସ ସହ ସ୍ବାଗତ କରିବାକୁ ସେ କହିଛନ୍ତି । ସେହିପରି ଆସନ୍ତାକାଲି ସରକାରୀ ଅଫିସରେ ଅଧିକାରୀମାନଙ୍କୁ ଶୁଭେଚ୍ଛା ଜଣାଇବା ପାଇଁ କର୍ମଚାରୀଙ୍କୁ ଏକାଠି ହେବାକୁ ମନା କରାଯାଇଛି।

ସୂଚନାଯୋଗ୍ୟ ଯେ, କରୋନାର ବ୍ରିଟେନ୍ ଷ୍ଟ୍ରେନ୍ ଦେଶର ଚିନ୍ତାକୁ ବଢାଇ ଦେଇଛି। ବ୍ରିଟେନରୁ ଆବିଷ୍କୃତ ହୋଇଥିବା ଏହି ଷ୍ଟ୍ରେନ୍ ଅଧିକ ସଂକ୍ରମକ। ବ୍ରିଟେନରୁ ଏହି ସମୟରେ ଓଡ଼ିଶାକୁ୧୮୮ ଜଣ ଆସିଛନ୍ତି। ସେମାନଙ୍କ ମଧ୍ୟରୁ ୧୭୯ ଜଣଙ୍କୁ ଚିହ୍ନଟ କରାଯାଇଛି। ୧୬୦ ଜଣଙ୍କ ନମୁନା ପରୀକ୍ଷା ହୋଇ ସାରିଛି । ବ୍ରିଟେନ୍ ଫେରନ୍ତା ଓ ସେମାନଙ୍କ ସଂପର୍କୀୟଙ୍କୁ ମିଶାଇ ମୋଟ ୨୦୪ ଜଣଙ୍କର RTPCR ଟେଷ୍ଟ୍ ହୋଇଛି । ବର୍ତ୍ତମାନ ସୁଧା ୭ ଜଣଙ୍କ ରିପୋର୍ଟ ପଜିଟିଭ୍ ଆସିଛି । ଏହି ୭ଜଣଙ୍କ ମଧ୍ୟରେ ୪ଜଣ ବ୍ରିଟେନ୍ ଫେରନ୍ତା ହୋଇଥିବା ବେଳେ ବାକି ୩ ଜଣ ସେମାନଙ୍କ ସଂପର୍କୀୟ । କେବଳ ଖୋର୍ଦ୍ଧା ଜିଲ୍ଲାକୁ ବ୍ରିଟେନରୁ ୮୫ ଜଣ ଫେରିଛନ୍ତି ।

Leave a Reply