NIAର ବଡ଼ ଧରଣର ରେଡ, ଅଲ କାଏଦା ସହ ଜଡ଼ିତ ୯ ଆତଙ୍କବାଦୀଙ୍କୁ କଲା ଗିରଫ
1 min read
ନୂଆଦିଲ୍ଲୀ: ଏନ୍ଆଇଏର ବଡ଼ ସଫଳତା । ଅଲ କାଏଦାର ଏକ ବଡ଼ ନେଟୱାର୍କର ପର୍ଦାଫାସ କରିଥିବା ଦାବି କରିଛି ଏନ୍ଆଇଏ । ଅଲ କାଏଦା ମଡ୍ୟୁଲ ସମ୍ପର୍କରେ କେରଳ ଏବଂ ପଶ୍ଚିମବଙ୍ଗରେ ଚଢ଼ାଉ କରିଛି ଏନ୍ଆଇଏ । ଏନଆଇଏର ଏହି ରେଡ ସମୟରେ ୯ ଜଣଙ୍କୁ ଗିରଫ କରାଯାଇଛି। କୁହାଯାଉଛି ଯେ ଅଲ-କାଏଦା ସମ୍ବନ୍ଧରେ ସମ୍ପୂର୍ଣ୍ଣ ନୂଆ ମାମଲାକୁ ଆଧାରକରି ଚଢ଼ାଉ କରାଯାଇଛି । କେରଳର ଏରନାକୁଲମରେ ଏବଂ ପଶ୍ଚିମବଙ୍ଗର ମୁର୍ସିଦାବାଦରେ ଏହି ଚଢ଼ାଉ କରାଯାଇଛି । ଚଢ଼ାଉ ସମୟରେ ୯ ଜଣଙ୍କୁ ଗିରଫ କରାଯାଇଛି।
ଏନଆଇଏ କେରଳର ଏର୍ନାକୁଲମରୁ ୩ ଜଣଙ୍କୁ ଗିରଫ କରିଥିବାବେଳେ ପଶ୍ଚିମବଙ୍ଗର ମୁର୍ସିଦାବାଦରୁ ୬ ଜଣଙ୍କୁ ଗିରଫ କରାଯାଇଛି। ସୂଚନା ଅନୁଯାୟୀ ଏମାନଙ୍କ ଟାର୍ଗେଟରେ ଅନେକ ସୁରକ୍ଷା ପ୍ରତିଷ୍ଠାନ ଗୁଡ଼ିକ ରହିଥିଲା । ଗିରଫ ହୋଇଥିବା ସମସ୍ତଙ୍କ ବୟସ ପ୍ରାୟ ୨୦ ବର୍ଷ ବୋଲି କୁହାଯାଉଛି । ଏମାନେ ସମସ୍ତେ ଶ୍ରମିକ ଅଟନ୍ତି । ଆତଙ୍କବାଦୀ ଷଡ଼ଯନ୍ତ୍ର ବିଷୟରେ ଭିତିରି ଖବର ପାଇବା ପରେ ଏମାନଙ୍କ ଉପରେ ନଜର ରଖାଯାଇଥିଲା।
ଆଜି ସକାଳେ ଏରନାକୁଲମ୍ ଏବଂ ମୁର୍ସିଦାବାଦର ଅନେକ ସ୍ଥାନରେ ଏନଆଇଏ ଆକ୍ରମଣ କରିଥିଲା । ଅଲ-କାଏଦାର ପାକିସ୍ତାନ ପ୍ରାୟୋଜିତ ମଡ୍ୟୁଲ ସହ ଜଡ଼ିତ ୯ ଆତଙ୍କବାଦୀଙ୍କୁ ଗିରଫ କରିଥିଲା । ପଶ୍ଚିମବଙ୍ଗ ଏବଂ କେରଳ ସମେତ ଦେଶର ବିଭିନ୍ନ ସ୍ଥାନରେ ଅଲ-କାଏଦା ସଦସ୍ୟଙ୍କ ଆନ୍ତରାଜ୍ୟ ମଡ୍ୟୁଲ ବିଷୟରେ ଏନଆଇଏ ଜାଣିବା ପରେ ଏହି ଚଢ଼ାଉ କରାଯାଇଥିଲା । ଲୋକଙ୍କୁ ହତ୍ୟା କରିବା ପାଇଁ ଏହି ଗୋଷ୍ଠୀ ଦେଶର ଗୁରୁତ୍ୱପୂର୍ଣ୍ଣ ପ୍ରତିଷ୍ଠାନଗୁଡ଼ିକୁ ଟାର୍ଗେଟ କରିବାକୁ ଯୋଜନା କରିଥିଲା । ଏନେଇ ଏନେଇ ଏକ ମାମଲା ରୁଜୁ ହୋଇଛି ଏବଂ ଅଧିକ ତଦନ୍ତ ଚାଲିଛି ।
