ମମତା ଏମିତି, ୫ ବର୍ଷର ଛୁଆକୁ ତଣ୍ଟିଚିପି ମାରିଦେଲା…

ଭୁବନେଶ୍ୱର: ରାଜଧାନୀରେ ଚାଞ୍ଚଲ୍ୟ । ୫ ବର୍ଷର ଛୁଆର ତଣ୍ଟିଚିପି ହତ୍ୟା । ପଡ଼ୋଶୀ ମହିଳାଙ୍କ ଏହି କାଣ୍ଡ ପରେ ଖେଳିଯାଇଛି ଆତଙ୍କ । ଏ ଲୋମହର୍ଷଣକାରୀ ହତ୍ୟାକାଣ୍ଡ ଘଟିଛି ଖଣ୍ଡଗିରି ଥାନା କୋଳଥିଆ ରାଜୀବ ନଗରରେ । ଶିଶୁକୁ ହତ୍ୟା ପରେ ମହିଳା ଜଣଙ୍କ ଆତ୍ମହତ୍ୟା ଉଦ୍ୟମ କରିଛନ୍ତି । ତାଙ୍କୁ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି ।

ପୋଲିସ ସୂଚନା ଅନୁସାରେ, ଶିଶୁଟି ପ୍ରତିଦିନ ପଡ଼ିଶା ଘରକୁ ଖେଳିବାକୁ ଯାଇଥାଏ । ପ୍ରତିଦିନ ଭଳି ଆଜି ବି ଖେଳିବାକୁ ଯାଇଥିବା ବେଳେ ମହିଳା ଜଣଙ୍କ ତଣ୍ଟିଚିପି ହତ୍ୟା କରିଥିଲେ । ତା’ପରେ ନିଜେ ଫାଶୀ ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ । ମହିଳା ଜଣଙ୍କ ଚିକିତ୍ସା ଚାଲିଛି । ସେ ସୁସ୍ଥ ହେବା ପରେ ହତ୍ୟାକାଣ୍ଡ ପଛର କାରଣ ଜଣାପଡ଼ିବ । ପୋଲିସ ଉଭୟ ପରିବାର ଲୋକଙ୍କୁ ପଚରାଉଚରା କରୁଛି ।