ପରିବା ପରେ ନଡ଼ିଆ କତା ଟ୍ରକରେ ଗଞ୍ଜେଇ ଚାଲାଣ, ଧରିଲା ଏନସିବି
ଭୁବନେଶ୍ୱର: ଓଡ଼ିଶାରେ ଏନସିବି ରେଡ୍ । ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ ଚଢ଼ାଉ କରି ୭୦୦ କେଜିର ଗଞ୍ଜେଇ ଜବତ କରିଛି । ଖୋର୍ଦ୍ଧା ଗୋଡ଼ିପଡ଼ା ଟୋଲଗେଟରୁ ନଡ଼ିଆ କତା ବୋଝେଇ ଟ୍ରକରୁ ବସ୍ତା ବସ୍ତା ଗଞ୍ଜେଇ ଜବତ କରାଯାଇଚି । ଏହି ମାମଲାରେ ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ ଜଣଙ୍କୁ ଗିରଫ କରିଛି ।
ନଡ଼ିଆ କତା ବୋଝେଇ ଟ୍ରକରେ ଶ୍ରୀକ୍କାକୁଲ୍ଲମରୁ ବିହାରକୁ ଗଞ୍ଜେଇ ଚୋରାଚାଲାଣ କରାଯାଉଥିଲା । ଟୋଲଗେଟରେ ଯାଞ୍ଚ ବେଳେ ଏନସିବି ନଡ଼ିଆ କତା ଭର୍ତ୍ତି ଟ୍ରକରୁ ଗଞ୍ଜେଇ ଧରିଥିଲା । ଜବତ ଗଞ୍ଜେଇର ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କା ହେବ । ଏନସିବି ଟ୍ରକ୍ ଡ୍ରାଇଭରକୁ ପଚରାଉଚରା କରୁଛି ।
ଏହାପୂର୍ବରୁ କ୍ୟୁଏଟି ବାଇଗଣ ଓ କୋବି ବୋଝେଇ ଟ୍ରକରୁ ବିପୁଳ ଗଞ୍ଜେଇ ଜବତ କରିଥିଲା । ବିଭିନ୍ନ ସମୟରେ ବିପୁଳ ଗଞ୍ଜେଇ ଜବତ ହେଉଥିବା ବେଳେ ଚାଲାଣର ତରିକା ବଦଳାଇବାରେ ଲାଗିଛନ୍ତି ମାଫିଆ ।
