ସୁପ୍ରିମ୍କୋର୍ଟ ଅନୁମତି ଦେବା ପରେ, ରଥଯାତ୍ରା ନେଇ ଜାତୀୟ ଗଣମାଧ୍ୟମରେ କେମିତି ଚାଲିଛି ଚର୍ଚ୍ଚା ? ଜାଣିବା ପାଇଁ ପଢ଼ନ୍ତୁ…
ପୁରୀରେ ରଥଯାତ୍ରାକୁ ନେଇ ସୁପ୍ରିମ୍କୋର୍ଟ ଅନୁମତି ଦେବା ପରେ ଏବେ ସାରା ଦେଶରେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । କାରଣ ରଥଯାତ୍ରା ହେଲେ ଅତି କମ୍ରେ ୧୦ ଲକ୍ଷ ଲୋକ ରୁଣ୍ଡ ହୁଅନ୍ତି ପୁରୀ ବଡ଼ ଦାଣ୍ଡରେ । ଏହି ଜନ ସମୁଦ୍ରକୁ ରୋକିବା ପାଇଁ ସୁପ୍ରିମ୍କୋର୍ଟ ପ୍ରଥମେ ରଥଯାତ୍ରା ପାଳନ ନକରିବାକୁ ନିର୍ଦ୍ଦେଶ ଦେଇଥିଲେ । ହେଲେ ଲୋକଙ୍କ ଭାବ ସହ ଜଡ଼ିତ ଥିବାରୁ ଏବଂ କାହିଁ କେଉଁ କାଳରୁ ଚାଲିଆସୁଥିବା ଏହି ପରମ୍ପରାକୁ ଦୃଷ୍ଟିରେ ରଖି ପୁଣି ସୁପ୍ରିମ୍କୋର୍ଟ ରଥଯାତ୍ରା ପାଇଁ ଅନୁମତି ଦେଇଛନ୍ତି । ହେଲେ ଏହି ଅନୁମତି ଦେବା ସହ ଅନେକ ସର୍ତ୍ତ ମଧ୍ୟ ରଖିଛନ୍ତି ସୁପ୍ରିମ୍କୋର୍ଟ । ଖାଲି ସେତିକି ନୁହେଁ ରାଜ୍ୟ ସରକାର ଚାହିଁଲେ ରଥଯାତ୍ରାକୁ ବନ୍ଦ କରିପାରିବେ ବୋଲି ମଧ୍ୟ କହିଛନ୍ତି ସୁପ୍ରିମ୍କୋର୍ଟ ।
କରୋନା ମହାମାରୀ ସମୟରେ ରଥଯାତ୍ରା ନକରିବାକୁ ସୁପ୍ରିମ୍କୋର୍ଟ ଥରେ ନିର୍ଦ୍ଦେଶ ଦେଇଥିବା ବେଳେ ପୁଣି ଏଥିପାଇଁ ଅନୁମତି ଦେଇଛନ୍ତି । ତେବେ ଏହି ଅନୁମତି ପରେ ଏବେ ଜଗନ୍ନାଥ ପ୍ରେମୀଙ୍କ ମହଲରେ ଖୁସିର ମାହୋଲ ଖେଳିଯାଇଛି ।
ହେଲେ କରୋନା ମହାମାରୀ ଭଳି ପରିସ୍ଥିତିରେ ରଥଯାତ୍ରାକୁ ସୁପ୍ରମ୍କୋର୍ଟ କିଭଳି ଅନୁମତି ଦେଲେ ସେନେଇ ଜାତୀୟ ଗଣମାଧ୍ୟମରେ ମଧ୍ୟ ବେଶ ଚର୍ଚ୍ଚା ଚାଲିଛି । ବିଭିନ୍ନ ଜାତୀୟ ଗଣମାଧ୍ୟମରେ ଏନେଇ ଖବର ପ୍ରକାଶ ପାଇଛି । ନବଭାରତ ଟାଇମ୍ସ ତା’ର ୱେବ୍ ଏଡିସନରେ ଲେଖିଛି ଯେ, ରଥଯାତ୍ରାକୁ ସୁପ୍ରିମ୍କୋର୍ଟ ଅନୁମତି ଦେଲେ, ହେଲେ ଅନେକ ସର୍ତ୍ତ ରଖିଲେ ।
ଏହାସହ ଆଜତକର ହେଡିଂ ରହିଛି ‘ଜଗନ୍ନାଥଙ୍କ ରଥଯାତ୍ରାକୁ ସୁପ୍ରିମ୍କୋର୍ଟ ସବୁଜ ସଙ୍କେତ ଦେଲେ, ଅନେକ ସର୍ତ୍ତ ସହ ଅନୁମତି ’
ସେହିଭଳି ଆଉ ଏକ ଜାତୀୟ ଗଣମାଧ୍ୟମରେ ପ୍ରକାଶ ପାଇଥିବା ଖବରର ଶୀର୍ଷକ ରହିଛି ଯେ ‘ରଥଯାତ୍ରାକୁ ସୁପ୍ରମ୍କୋର୍ଟ ସର୍ତ୍ତମୂଳକ ଅନୁମତି ଦେଲେ, ସେପଟେ ରାଜ୍ୟ ସରକାରଙ୍କୁ ବନ୍ଦ କରିବାକୁ ଅଧିକାର ବି ଦେଲେ ।’ ତେବେ ଏହାର ଅର୍ଥ ହେଉଛି ରାଜ୍ୟ ସରକାର ଚାହିଁଲେ ରଥଯାତ୍ରା ବନ୍ଦ କରିପାରିବେ । ଏବଂ ପରିସ୍ଥିତିକୁ ଦୃଷ୍ଟିରେ ରାଜ୍ୟ ସରକାର ରଥଯାତ୍ରା ପାଇଁ ପଦକ୍ଷେପ ନେଇପାରିବେ ।
ରଥଯାତ୍ରାକୁ ନେଇ ହିନ୍ଦୁସ୍ତାନର ହେଡଲାଇନ୍ ଥିଲା, ‘ପୁରୀ ଜଗନ୍ନାଥ ରଥଯାତ୍ରାକୁ ନେଇ ସୁପ୍ରିମ୍କୋର୍ଟଙ୍କ ବଦଳିଲା ଫୈସଲା, ଏବେ ସର୍ତ୍ତମୂଳକ ଭାବେ ଦିଆଗଲା ଅନୁମତି’ ।
ହିନ୍ଦୁସ୍ତାନ ଟାଇମ୍ସ ଲେଖିଛି, ‘ରଥଯାତ୍ରା ନେଇ ସୁପ୍ରମିକୋର୍ଟ ମନ୍ଦିର ପ୍ରଶାସନକୁ ଦେଲେ ଦାୟିତ୍ୱ, ରାଜ୍ୟ ସରକାର ନେବେ ନିଷ୍ପତ୍ତି ।’ ଏହାର ଅର୍ଥ ହେଉଛି ମନ୍ଦିର ପ୍ରଶାସନ ଓ ରାଜ୍ୟ ସରକାର ମିଳିତ ଭାବେ ଆଲୋଚନା କରି ନିଷ୍ପତ୍ତି ନେବେ ରଥ ଯାତ୍ରା କରିବେ କି ନାହିଁ । ଏହା ସହ ରଥଯାତ୍ରାକୁ ନେଇ ରହିଥିବା ସର୍ତ୍ତଗୁଡ଼ିକୁ ସେମାନେ କିଭଳି ପାଳନ କରିବେ ।
