ନୀଳାଦ୍ରି ବିହାର ସଂଗ୍ରହାଳୟରେ ଅଛି ନାଗାର୍ଜୁନ ବେଶର ସମସ୍ତ ସାମଗ୍ରୀ

ପୁରୀ: ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶର ଚନ୍ଦ୍ରସୂର୍ଯ୍ୟ ଶ୍ରୀମନ୍ଦିର ବାହାରକୁ ଯିବା ଘଟଣାର ତଦନ୍ତ ଶେଷ ହୋଇଛି । ନାଗାର୍ଜୁନ ବେଶର ସମସ୍ତ ସାମଗ୍ରୀ ସମ୍ପୂର୍ଣ୍ଣ ସୁରକ୍ଷିତ ରହିଛି । ମହାପ୍ରଭୁଙ୍କୁ ଲାଗି ହୋଇଥିବା ସମସ୍ତ ବେଶ ସାମଗ୍ରୀ ଶ୍ରୀମନ୍ଦିର ନୀଳାଦ୍ରି ବିହାର ସଂଗ୍ରହାଳୟରେ ରଖାଯାଇଥିବା ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ପଷ୍ଟ କରାଯାଇଛି ।

ବାହାରକୁ ଆସିଥିବା ଚନ୍ଦ୍ରସୂର୍ଯ୍ୟ ଶ୍ରୀମନ୍ଦିର ମଧ୍ୟରେ ନୀଳମାଧଵଙ୍କୁ ଲାଗି କରାଯାଇଥିଲା । ଶ୍ରୀମନ୍ଦିର ପ୍ରଶାସନ ପକ୍ଷରୁ ଦିଆଯାଇଥିବା ତାଲିକା ବାହାରେ ଅଧିକ ଦୁଇଯୋଡ଼ା ଚନ୍ଦ୍ରସୂର୍ଯ୍ୟ ମୁଖ୍ୟ କାରିଗର ବସନ୍ତ ରଣା ନିର୍ମାଣ କରିଥିଲେ | ତେବେ ମହାପ୍ରଭୁଙ୍କୁ ସୁବର୍ଣ୍ଣର ଚନ୍ଦ୍ରସୂର୍ଯ୍ୟ ଲାଗି ହୋଇଥିଲା । ତାହା ବର୍ତ୍ତମାନ ସୁରକ୍ଷିତ ରହିଥିବା କହିଛି ଶ୍ରୀମନ୍ଦିର ପ୍ରଶାସନ ।