ଅମିତ ଶାହଙ୍କ ପାଇଁ ରୋଜା ରଖିବେ ମୁସଲିମ୍ ନେତା, ଭିଡିଓରେ କହିଲେ ଏମିତି କଥା

ଶ୍ରୀନଗର: କେନ୍ଦ୍ର ଗୃହମନ୍ତ୍ରୀ ଅମିତ ଶାହ କରୋନା ପଜିଟିଭ୍ ବୋଲି ଚିହ୍ନଟ ହେବା ପରେ ହସ୍ପିଟାଲରେ ଭର୍ତ୍ତି ହୋଇଛନ୍ତି ।ବିଜେପି ସମର୍ଥକ ଅମିତ ଶାହଙ୍କ ଆରୋଗ୍ୟ କାମନା କରି ପ୍ରାର୍ଥନା କରୁଛନ୍ତି । ଏହା ମଧ୍ୟରେ ଜମ୍ମୁକାଶ୍ମୀରର ବିଜେପି ନେତା ଗୁଫ୍ତାର ଅହମ୍ମଦ ଅମିତ ଶାହଙ୍କ ପାଇଁ ରୋଜା ରଖିବେ ବୋଲି ଘୋଷଣା କରିଛନ୍ତି । ଅମିତ ଶାହ ଆରୋଗ୍ୟ ହେବା ପର୍ଯ୍ୟନ୍ତ ସେ ରୋଜା ରଖିବେ ବୋଲି କହିଛନ୍ତି ।

BJP leader from Kupwara kashmir planning fast until home minister amit shah tests negative. #AmitShah #COVID19 #Kashmir pic.twitter.com/cR95gcnZxZ

— Guftar Ahmed (@GuftarAhmedCh) August 3, 2020

ଗୁଫ୍ତାର ସୋସିଆଲ ମିଡିଆରେ ଏକ ଭିଡିଓ ସେୟାର କରି ଏହି ଘୋଷଣା କରିଛନ୍ତି । ମଙ୍ଗଳବାରଠାରୁ ସେ ରୋଜା ଆରମ୍ଭ କରିବେ ବୋଲି କହିଛନ୍ତି । ଅମିତ ଶାହଙ୍କ ରିପୋର୍ଟ ନେଗେଟିଭ୍ ଆସିବା ପର୍ଯନ୍ତ ସେ ରୋଜା ରଖିବେ ବୋଲି କହିଛନ୍ତି । ଅମିତ ଶାହଙ୍କ ଶୀଘ୍ର ଆରୋଗ୍ୟ ପାଇଁ ସେ ପ୍ରାର୍ଥନା କରିବେ ବୋଲି କହିଛନ୍ତି ।

ହସ୍ପିଟାଲରେ ଅମିତ ଶାହ

ରବିବାର ଦିନ କେନ୍ଦ୍ର ଗୃହମନ୍ତ୍ରୀଙ୍କ କରୋନା ରିପୋର୍ଟ ପଜିଟିଭ୍ ଆସିଥିଲା । ଶାହ ଟ୍ୱିଟ୍ କରି ଏସମ୍ପର୍କରେ ସୂଚନା ଦେଇଥିଲେ । ଡାକ୍ତରଙ୍କ ପରାମର୍ଶରେ ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଅମିତ ଶାହ ହେଉଛନ୍ତି ପ୍ରଥମ କେନ୍ଦ୍ର ମନ୍ତ୍ରୀ ଯିଏ କରୋନା ଦ୍ୱାରା ସଂକ୍ରମିତ ହୋଇଛନ୍ତି । ଶାହଙ୍କ ବ୍ୟତିତ ଉତ୍ତର ପ୍ରଦେଶ ଅଧ୍ୟକ୍ଷ ସ୍ୱତନ୍ତ୍ରଦେବ ସିଂହ ମଧ୍ୟ କରୋନା ସଂକ୍ରମିତ । ଅନ୍ୟପକ୍ଷରେ  କର୍ଣ୍ଣାଟକ ମୁଖ୍ୟମନ୍ତ୍ରୀ ୟେଦୁୟୁରେପ୍ପାଙ୍କ କରୋନା ରିପୋର୍ଟ ମଧ୍ୟ ପଜିଟିଭ୍ ଆସିଛି ।