ଗିରଫ ହେଲେ ରିପବ୍ଲିକ ମିଡିଆ ନେଟୱର୍କର ସିଇଓ

ମୁମ୍ବାଇ: ମହଙ୍ଗା ପଡ଼ିଲା ଟିଆର୍‌ପି ସ୍କାମ୍‌। ରିପବ୍ଲିକ ମିଡିଆ ନେଟୱର୍କର ସିଇଓ ବିକାଶ ଖାନଚନ୍ଦାନିଙ୍କୁ ଆଜି ସକାଳୁ ମୁମ୍ବାଇ ପୋଲିସ ଗିରଫ କରିଛି। ଟିଆରପି ରେଟିଙ୍ଗ ହେରାଫେରି ମାମଲାରେ  ବିକାଶଙ୍କୁ ଗିରଫ କରାଯାଇଛି। ରିପବ୍ଲିକ ମିଡିଆ ନେଟୱର୍କ ବିରୋଧରେ ଟିଆରପି ସ୍କାମ ମାମଲା ରୁଜୁ ପରେ ଜଣକ ପରେ ଜଣେ ପୋଲିସ ରାଡାରକୁ ଆସୁଛନ୍ତି। ଏହି ମାମଲାରେ ଏଯାବତ ୧୩ଜଣ କର୍ମଚାରୀଙ୍କୁ ଗିରଫ କରାଯାଇଛି ।

ବାର୍କ ସଂସ୍ଥା ହଂସା ରିସର୍ଚ୍ଚର ଅଧିକାରୀ ନୀତୀନ ଦେଓକରଙ୍କ ଅଭିଯୋଗ ଆଧାରରେ ମୁମ୍ବାଇ ପୋଲିସ ଅକ୍ଟୋବର ୬ତାରିଖରେ ରିପବ୍ଲିକ ମିଡିଆ ନେଟୱର୍କ ବିରୋଧରେ ଏକ ମାମଲା ରୁଜୁ କରିଥିଲା। ଏହାପରେ ମୁମ୍ବାଇର ମାଜିଷ୍ଟ୍ରେଟ କୋର୍ଟରେ ଏ ନେଇ ଏକ ଚାର୍ଜସିଟ୍ ମଧ୍ୟ ଦାଖଲ କରିଥିଲା। ବର୍ତ୍ତମାନ ଏହି ଘଟଣାର ତଦନ୍ତ କରୁଛି ମୁମ୍ବାଇ ପୋଲିସ ।

Leave a Reply