ପୁରୀ-କୋଣାର୍କକୁ ଗଡ଼ିଲା ମୋ ବସ୍, ରାଜଧାନୀରୁ ପୁରୀକୁ ଭଡ଼ା ୭୦…

ଭୁବନେଶ୍ୱର: କଟକଣା କୋହଳ ପରେ ଗଡିଲା ମୋ ବସ୍ । ଆଜି ଭୁବନେଶ୍ବରରୁ ପୁରୀ ଓ କୋଣାର୍କକୁ ଗଡିଛି ମୋ ବସ୍ । ପ୍ରଥମ ପର୍ଯ୍ୟାୟରେ ଦୁଇଟି ମୋ ବସ୍ ଗଡିଛି । ସକାଳ ୬ଟା ୩୦ ମିନିଟରୁ ଭୁବନେଶ୍ବରରୁ ପୁରୀ ଅଭିମୁଖେ ଛାଡିଥିଲା ପ୍ରଥମ ବସ୍ ସେହିଭଳି ଦ୍ବିତୀୟ ବସଟି ସକାଳ ୬ଟା ୪୦ ମିନିଟରୁ କୋଣାର୍କ ଅଭିମୁଖେ ବାହାରିଥିଲା ଆଉ ଏକ ବସ୍ ।

ଭୁବନେଶ୍ବରରୁ ପୁରୀକୁ ୭୦ଟଙ୍କା ଓ କୋଣାର୍କକୁ ୬୦ଟଙ୍କା ଟିକେଟର ଦାମ ରଖାଯାଇଛି । ସଂକ୍ରମଣ ଦୃଷ୍ଟିରୁ ମୋ ବସରେ ନିୟମିତ କରାଯାଉଛି ବିଶୋଧନ । ବିନା ମାସ୍କରେ ଯାତ୍ରୀଙ୍କୁ ବସରେ ଚଢିବାକୁ ମନା କରାଯାଉଛି । ୫୦ ନମ୍ବର ରୁଟ ମାଷ୍ଟରକ୍ୟାଣ୍ଟିନ, ରାଜ୍ୟ ସଂଗ୍ରହାଳୟ, ରବି ଟକିଜ, ଧଉଳି ଛକ, ଉତ୍ତରା ଛକ, ପିପିଲି ବାଇପାସ, ମାଳୀପାଟପୁର ଓ ପୁରୀରେ ରହିବ ।

ଠିକ ସେହିପରି ୭୦ ନମ୍ବର ରୁଟର ସମସ୍ତ ମୁଖ୍ୟ ବସଷ୍ଟପ ଦେଇ ମୋ ବସ ଯାତ୍ରା କରିବ । ପୁରୀ ଓ କୋଣାର୍କ ଓଡିଶାର ଏକ ପ୍ରମୁଖ ସାଂସ୍କୃତିକ କ୍ଷେତ୍ରଭାବେ ବିଶ୍ୱରେ ପରିଚିତ । ରାଜ୍ୟ ଓ ରାଜ୍ୟ ବାହାରୁ ଆସୁଥିବା ଅସଂଖ୍ୟ ପର୍ଯ୍ୟଟକ ସମେତ ରାଜଧାନୀରୁ ପ୍ରତିଦିନ ଯାତାୟତ କରୁଥିବା ଲୋକେ ଏହାଦ୍ୱାରା ଅଧିକ ଲାଭବାନ ହେବେ ବୋଲି ବୋଲି କ୍ରୁଟର ପରିଚାଳନା ନିର୍ଦ୍ଦେଶକ ଅରୁଣ ବୋଥ୍ରା କହିଛନ୍ତି ।

Leave a Reply