ଡମ୍ଫର ଧକ୍କାରେ ୬ ମୃତ; ଘଟଣାସ୍ଥଳରେ ଉତ୍ତେଜନା, କ୍ଷତିପୂରଣ ଦାବି…

ନୟାଗଡ଼: ନୟାଗଡ଼ ସରଣରକୂଳରେ ଏକ ସିରିଜ ଦୁର୍ଘଟଣା ଘଟିଛି । ଏକ ଡମ୍ଫର ଧକ୍କାରେ ୬ ଜଣଙ୍କ ଜୀବନ ଚାଲିଯାଇଛି । ଘଟଣାସ୍ଥଳରେ ଉତ୍ତ୍ୟକ୍ତ ଜନତା ରାସ୍ତାରୋକ୍ କରିଛନ୍ତି । ଅନ୍ୟପକ୍ଷରେ ପୋଲିସ ପ୍ରଶାସନ ଘଟଣା ସ୍ଥଳରେ ପହଞ୍ଚିଛି । ଆଜି ଦିନ ୩ଟା ୩୦ ମିନିଟ ସମୟରେ RKD କମ୍ପାନୀ ର ଏକ ହାଇୱା ଓଡଗାଁ ଓଡଗାଁ ଅଭିମୁଖେ ଯାଉଥିଲା  । ବେପରୁଆ ଗାଡି ଚାଳନାରୁ ପ୍ରଥମେ ନରେନ୍ଦ୍ରପୁରଠାରେ ଦୁଇ ଜଣ ମହିଳାଙ୍କୁ ଗାଡି ଦୃଘଟଣା ଘଟାଇ ଥିଲା l ସେଠାରେ ତାଙ୍କର ମୃତ ଘଟିଥିଲା l ପରେ ସୁଅରସାହି ଠାରେ ଏକ ଦୋକାନ ଘର ରେ ଦୃଘଟଣା ଘଟାଇଥିଲା। ସେଠାରେ ୪ଜଣ ଙ୍କ ର ମୃତୁ ଘଟିଥିଲା l ସେଥିରୁ ଜଣେ ବୟସ୍କ ବୃଦ୍ଧ ଜଣେ ୧୩ ବୟସ୍କ ନାବାଳିକା ଓ ଦୁଇଜଣ ଯୁବକ ।

ତେବେ ସମସ୍ତଙ୍କ ମରଶରୀର ରାସ୍ତାରେ ପଡ଼ିରହିଥିବା ବେଳେ ଆଇନଶୃଙ୍ଖଳା ପରିସ୍ଥିତି ବିଗିଡ଼ିବା ଆରମ୍ଭ କରୁଛି । ଲୋକେ ଓ ମୃତକଙ୍କ ସମ୍ପର୍କୀୟମାନେ ଟାୟାର ଜାଳିବା ସହ ରାସ୍ତାରୋକ୍ କରି ନିଜ ଦାବି ଜଣାଇଛନ୍ତି । ସବୁ ପରିବାରକୁ କ୍ଷତିପୂରଣ ପ୍ରତିଶ୍ରୁତି ନମିଳିବା ଯାଏଁ ରାସ୍ତାରୋକ ଜାରି ରହିବ ବୋଲି ସ୍ଥାନୀୟ ଲୋକେ ଅଡ଼ି ବସିଛନ୍ତି । ଉଲ୍ଲେଖଯୋଗ୍ୟ ଦମକଳ ଟିମ୍ ମଧ୍ୟ ଘଟଣାସ୍ଥଳରେ ପହଞ୍ଚିସାରିଛି ।