ପ୍ରଦୂଷିତ ହେଉଛି ମହାନଦୀ, ସିଧାସଳଖ ମିଶୁଛି ଶିଳ୍ପାଞ୍ଚଳର ଆବର୍ଜନା

କଟକ: ବିଷାକ୍ତ ହେଉଛି ମହାନଦୀ । କଟକ ଜଗତପୁର ଶିଳ୍ପାଞ୍ଚଳରୁ ବାହାରୁଥିବା ମଇଳା, ଆବର୍ଜନା ସିଧାସଳଖ ମିଶୁଛି ମହାନଦୀରେ । କେବଳ ସେତିକି ନୁହେଁ- ଏକ୍ସପାରି ମେଡିସିନ୍, ଇଞ୍ଜେକ୍ସନ ମଧ୍ୟ ଜଳରେ ମିଶି ଜଳଜୀବ ଓ ସାଧାରଣ ଲୋକଙ୍କ ସ୍ୱାସ୍ଥ୍ୟ ହାନି କରୁଛି ।

ମହାନଦୀରେ ମିଶୁଛି କଳକାରଖାନାର ବିଷାକ୍ତ ଜଳ । କୂଳରେ ପଡ଼ି ରହିଛି କୁଢକୁଢ ଅଳିଆ ଆବର୍ଜନା । କଟକ ସହରର ଡଷ୍ଟବିନ୍ ପାଲଟିଛି ମହାନଦୀ । ଜଗତପୁର ଅଞ୍ଚଳରେ ଗଢି ଉଠିଥିବା ଶିଳ୍ପାନୁଷ୍ଠାନରୁ ବାହାରୁଥିବା ମଇଳା ସବୁ ନଦୀକୁ ଛାଡ଼ୁଛନ୍ତି । ଫଳରେ ଜଳଚର ଜୀବଙ୍କ ସହ ଲୋକେ ବି ରୋଗରେ ପଡୁଛନ୍ତି ।

ତେବେ ସହରରେ ୱେଷ୍ଟ ମ୍ୟାନେଜମେଣ୍ଟ ବ୍ୟବସ୍ଥା ନଥିବା କଥାକୁ ସ୍ୱୀକାର କରିଛନ୍ତି ଇଡକୋ କଟକ ଡିଭିଜନ ମୁଖ୍ୟ । ସେପଟେ ପ୍ରଦୂଷଣ ନିୟନ୍ତ୍ରଣ ବୋର୍ଡ ଘଟଣାକୁ ଗୁରୁତ୍ୱର ସହ ନେଇଛନ୍ତି । ପ୍ରଦୂଷିତ ଅଞ୍ଚଳ ସର୍ଭେ କରିବା ସହ ଇଡକୋ କର୍ତ୍ତୃପକ୍ଷ ସମସ୍ୟାର ସମାଧାନ ପାଇଁ କି ପଦକ୍ଷେପ ନେଇଛନ୍ତି । ସେ ସମ୍ପର୍କରେ ଏକ ଚିଠି ଜାରି କରାଯିବ ବୋଲି କହିଛନ୍ତି ।