ନୂଆବର୍ଷ ପାଇଁ ଖୋଲିପାରେ ସମ୍ବଲେଶ୍ୱରୀ ମନ୍ଦିର
ଭୁବନେଶ୍ୱର: ରାଜ୍ୟର ସବୁ ମନ୍ଦିର ଖୋଲିବାକୁ ପ୍ରକ୍ରିୟା ଆରମ୍ଭ ହୋଇଥିବାବେଳେ ସମ୍ବଲପୁରର ଅଧିଷ୍ଠାତ୍ରି ଦେବୀ ମାଁ ସମ୍ବଲେଶ୍ୱରୀ ମନ୍ଦିର ଖୋଲିବା ନେଇ କିଛି ସ୍ପଷ୍ଟ ହୋଇନାହିଁ ।
ସୂଚନା ମୁତାବକ ମନ୍ଦିର ଟ୍ରଷ୍ଟ ବୋଡ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ବୈଠକରେ ମାଁ ସମ୍ବଲେଶ୍ୱରୀ ମନ୍ଦିର ଖୋଲାଯିବ ନାହିଁ ବୋଲି ନିଷ୍ପତ୍ତି ନିଆଯାଇଛି । ହେଲେ ନୂଆବର୍ଷ ପାଇଁ ମନ୍ଦିର ଖୋଲାଯାଇ ପାରେ ବୋଲି ଆଶା କରାଯାଉଛି ।
ତେବେ ମନ୍ଦିର ପରିସର ଭିତରେ ଲାଇଟ ଏଣ୍ଡ ସାଉଣ୍ଡ ପ୍ରକଳ୍ପର କାମ ଚାଲିଥିବା ବେଳେ ଏଭଳି ପରିସ୍ଥିତିରେ ମନ୍ଦିର ଖୋଲିବା ସମ୍ଭବପର ହୋଇପାରୁ ନାହିଁ ବୋଲି ସୂଚନା ଦେଇଛନ୍ତି ସମ୍ବଲେଶ୍ୱରୀ ମନ୍ଦିର ଟ୍ରଷ୍ଟ ବୋର୍ଡ ସଭାପତି ସଞ୍ଜୟ ବାବୁ ।
