ପଶ୍ଚିମବଙ୍ଗପରେ ମହାରାଷ୍ଟ୍ରରେ ବଢ଼ିଲା ଲକ୍ଡାଉନ୍ ଅବଧି: ଜାଣନ୍ତୁ କ’ଣ ରହିଛି ନୂଆ ନିୟମ
1 min read
ମୁମ୍ୱାଇ: ପୁଣି ମହାରାଷ୍ଟ୍ରରେ ବଢ଼ିଲା ଲକ୍ଡାଉନ୍ ଅବଧି । ମହାରାଷ୍ଟ୍ରରେ ଲକ୍ଡାଉନ୍ ହଟିବ ନାହିଁ ବୋଲି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକ୍ରେ ସୂଚନା ଦେଇଥିବା ଆଜି ସ୍ପଷ୍ଟ କରିଛନ୍ତି । ଜୁଲାଇ ୩୧ ଯାଏଁ ଲକ୍ଡାଉନ୍ ଅବଧିକୁ ବୃଦ୍ଧି କରିଛନ୍ତି । ଏହାପୂର୍ବରୁ ୩୦ ଜୁନ୍ ପର୍ଯ୍ୟନ୍ତ ଲକ୍ଡାଉନ୍ ବୃଦ୍ଧି କରାଯାଇଥିଲା। ଲକ୍ଡାଉନ୍ ବୃଦ୍ଧି କରାଯିବା ନେଇ ରାଜ୍ୟ ମୁଖ୍ୟ ଶାସନ ସଚିବ ଅଜୟ ମେହେଟ୍ଟା ସୂଚନା ଦେଇଛନ୍ତି ।
ଏହି ନିର୍ଦ୍ଦେଶନାମାରେ ଦର୍ଶାଯାଇଛି ଯେ, ରାଜ୍ୟରେ କରୋନା ଭୂତାଣୁ କାୟା ମେଲାଉଥିବାରୁ ରାଜ୍ୟରେ ବିପଦ ରହିଛି । ଏଣୁ ପରିସ୍ଥିତି ଅନୁଯାୟୀ ଆବଶ୍ୟକ ପଦକ୍ଷେପ ନିଆଯାଉଛି । ଏପିଡେମିକ୍ ଆକ୍ଟ ୧୮୯୭ ଏବଂ ବିପର୍ଯ୍ୟୟ ପରିଚାଳନା ଅଧିନିୟମ ୨୦୦୫ ର ଧାରା -୨ ଅନୁଯାୟୀ, ମହାରାଷ୍ଟ୍ରରେ ଲକ୍ଡାଉନ୍କୁ ଜୁଲାଇ ୩୧ ମଧ୍ୟରାତ୍ର ପର୍ଯ୍ୟନ୍ତ ବୃଦ୍ଧି କରାଯାଇଛି।
ମହାରାଷ୍ଟ୍ରରେ କେମିତି ରହିବ ଲକ୍ଡାଉନ୍
ଲକଡାଉନ୍ ସମୟରେ ଏପର୍ଯ୍ୟନ୍ତ ଅତ୍ୟାବଶ୍ୟକ ସାମଗ୍ରୀ ଦୋକାନ (କ୍ଷୀର, ଔଷଧ) ଖୋଲାରହିବ । ଏତଦ୍ବ୍ୟତୀତ ଅନ୍ୟ ଦୋକାନଗୁଡ଼ିକ ମଧ୍ୟ ଯୁଗ୍ମ-ଅଯୁଗ୍ମ ଦିନରେ ଖୋଲାଯାଇପାରିବ | ଏହା ସହିତ ଅଫିସରେ ସୀମିତ ସଂଖ୍ୟକ କର୍ମଚାରୀ ରହିବେ | ରାଜ୍ୟ ସରକାରଙ୍କ ସମସ୍ତ ବିଭାଗ ପୂର୍ବରୁ ଦିଆଯାଇଥିବା ନିର୍ଦ୍ଦେଶାବଳୀକୁ କଡ଼ାକଡ଼ି ପାଳନ କରିବାକୁ ନିର୍ଦ୍ଦେଶ ଦିଆଯାଇଛି।
ମୁଖ୍ୟ ଶାସନ ସଚିବଙ୍କ ତରଫରୁ ଜାରି କରାଯାଇଥିବା ଆଦେଶରେ ଦର୍ଶାଯାଇଛି ଯେ ସ୍ଥାନୀୟ ପରିସ୍ଥିତି ଅନୁଯାୟୀ ସମ୍ପୃକ୍ତ ଜିଲ୍ଲା ଜିଲ୍ଲାପାଳ, ମ୍ୟୁନିସିପାଲିଟି କର୍ପୋରେସନର କମିଶନର ଆବଶ୍ୟକ ପ୍ରତିବନ୍ଧକ ଲଗାଇପାରନ୍ତି। ଏଥିରେ ଭୂତାଣୁର ବିସ୍ତାରକୁ ରୋକିବା ପାଇଁ ଲୋକଙ୍କ ଗତିବିଧି ଉପରେ ପ୍ରତିବନ୍ଧକ ଲଗାଯାଇପାରିବ।
ମହାରାଷ୍ଟ୍ରରେ 1.64 ଲକ୍ଷରୁ ଅଧିକ ମାମଲା ସକ୍ରିୟ
ମହାରାଷ୍ଟ୍ରରେ କରୋନା ଭୂତାଣରେ ସଂକ୍ରମିତଙ୍କ ସଂଖ୍ୟା ରେକର୍ଡ ଛୁଇଁଛି । ରବିବାର ଦିନ ରାଜ୍ୟରେ କୋଭିଡ -୧୯ର ୫ ହାଜର୪୯୩ଟି ନୂଆ ମାମଲା ସାମ୍ନାକୁ ଆସିଛି । ରାଜ୍ୟରେ କରୋନା ଭୂତାଣ ଦ୍ୱାରା ସଂକ୍ରମିତଙ୍କ ସଂଖ୍ୟା ୧ଲକ୍ଷ ୬୪ ହଜାର୬୨୬କୁ ବୃଦ୍ଧି ପାଇଛି। ଏଥିସହ କରୋନା ସଂକ୍ରମଣ ହେତୁ ୧୫୬ ଜଣଙ୍କର ମୃତ୍ୟୁ ଘଟିଛି। ଏହି କାରଣରୁ ରାଜ୍ୟରେ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ୭ ହଜାର ୪୨୯ ରେ ପହଞ୍ଚିଛି ।
ପଶ୍ଚିମବଙ୍ଗରେ କରୋନା କହର: ଜୁଲାଇ ୩୧ ଯାଏଁ ଲକ୍ଡାଉନ୍ ବୃଦ୍ଧି କଲେ ମମତା
