ଧାନର ସର୍ବନିମ୍ନ ସହାୟକ ମୂଲ୍ୟକୁ ନେଇ ଶସ୍ତା ରାଜନୀତି କରୁଛି ବିଜେପି: ଲେନିନ୍

1 min read

ଭୁବନେଶ୍ୱର: ୨୦୧୭ ମାର୍ଚ୍ଚ ୨୫ ତାରିଖରେ ଧାନର ସର୍ବନିମ୍ନ ସହାୟକ ମୂଲ୍ୟ(MSP) ୧୪୭୦ ଟଙ୍କାରୁ ୨୯୩୦ ଟଙ୍କାକୁ ବୃଦ୍ଧି କରିବାପାଇଁ ରାଜ୍ୟ ସରକାରଙ୍କ ସଂକଳ୍ପ ଆଣିଥିଲେ । ଦଳମତ ନିର୍ବିଶେଷଣେ ଏହା ବିଧାନସଭାରେ ଗୃହୀତ ହୋଇଥିଲା ।ବିଜେପି ନେତା ପ୍ରଦୀପ ପୁରୋହିତ ସେତେବେଳେ ବିଜେପି ବିଧାୟକ ଥିଲେ । ଏବଂ ଧାନର କ୍ୱିଣ୍ଟାଲ ପ୍ରତି ଦର ୨୯୩୦ ଟଙ୍କା କରିବା ପାଇଁ ସରକାରଙ୍କ ଦ୍ୱାରା ଆଗତ ପ୍ରସ୍ତାବକୁ ସ୍ୱାଗତ କରିଥିଲେ । କିନ୍ତୁ ଏବେ ସେ ସବୁ ଭୁଲିଯାଇ ରାଜନୀତି ପାଇଁ ଶ୍ରୀ ପୁରୋହିତ କୁମ୍ଭୀର କାନ୍ଦଣା କାନ୍ଦୁଥିବା ଅଭିଯୋଗ କରିଛନ୍ତି ବିଜେଡି ମୁଖପାତ୍ର ଲେନିନ୍ ମହାନ୍ତି । ସେ  କହିଛନ୍ତି ଆହୁରୀ କହିଛନ୍ତି ଯେ, କେନ୍ଦ୍ରରେ ଥିବା ନିଜ ଦଳର ସରକାରଙ୍କୁ ଧାନର ସର୍ବନିମ୍ନ ଦର କ୍ୱିଣ୍ଟାଲ ପ୍ରତି ୨୯୩୦ ଟଙ୍କା କରିବାକୁ କହିବା ପାଇଁ ଶ୍ରୀ ପୁରୋହିତ ସାହାସ ଜୁଟାଇ ପାରୁନଥିବା ବେଳେ ଏବେ ଚାଷୀଙ୍କୁ ନେଇ କୁମ୍ଭୀର କାନ୍ଦଣା କାନ୍ଦୁଛନ୍ତି । ଚାଷୀ ପ୍ରସଙ୍ଗରେ ଏଭଳି ଶସ୍ତା ରାଜନୀତି କରିବା ଅପେକ୍ଷା ଧାନର ସର୍ବନିମ୍ନ ସହାୟକ ମୂଲ୍ୟ ୨୯୩୦ ଟଙ୍କା କରିବାପାଇଁ ତାଙ୍କରି ସମର୍ଥନରେ ବିଧାନସଭାରେ ପାରିତ ହୋଇଥିବା ପ୍ରସ୍ତାବକୁ ସେ ସମର୍ଥନ କରିବା ଆବଶ୍ୟକ ବୋଲି ବିଜେଡି ମୁଖପାତ୍ର ଶ୍ରୀ ମହାନ୍ତି କହିଛନ୍ତି ।

କ୍ୟାବିନେଟରେ ସରକାରଙ୍କ ସଂକଳ୍ପ; ଚାଷୀଙ୍କ ଆୟ ବୃଦ୍ଧିକୁ ଗୁରୁତ୍ୱ

            ଉଲ୍ଲେଖ ଥାଉ କି, ଗତ ରାଜ୍ୟ କ୍ୟାବିନେଟରେ ଦେଢ଼ ଗୁଣା ଏମ୍‌ଏସପି ଏବଂ ସ୍ୱାମୀନାଥନ୍ କମିଟି ରିପୋର୍ଟ କାର୍ଯ୍ୟକାରୀ ନେଇ ସଂକଳ୍ପ ପାରିତ ହୋଇଛି । ଏ ନେଇ କେନ୍ଦ୍ର ନିକଟରେ ପୁଣି ଥରେ ଦାବି କରିବ ରାଜ୍ୟ ।

Opn Commnet Area

Leave a Reply

Your email address will not be published. Required fields are marked *

Close Bitnami banner