ଶେଷ ପୋଷ୍ଟରେ କଣ ଲେଖିଥିଲେ ସୁଶାନ୍ତ ସିଂହ ରାଜପୁତ ?
1 min read
ମୁମ୍ବାଇ: ମହେନ୍ଦ୍ର ସିଂହ ଧୋନିଙ୍କ ବାୟୋପିକ, କାଇ ପୋ ଚେ! ପରି ହିଟ୍ ଫିଲ୍ମରେ ଲିଡ୍ ରୋଲରେ ଅଭିନୟ କରିଥିବା ସୁଶାନ୍ତ ସିଂହ ରାଜପୁତ ଆତ୍ମହତ୍ୟା କରିଛନ୍ତି । ବର୍ତ୍ତମାନ ଯାଏଁ ଆତ୍ମହତ୍ୟାର କାରଣ ଜଣାପଡ଼ିନଥିବା ବେଳେ ସେ ଅବସାଦ ଯୋଗୁଁ ଜୀବନ ହାରୁଥିବା କୁହାଯାଉଛି । ତେବେ, ଏହି କଥାରେ କେତ ସତ୍ୟତା ଅଛି ତାହା ଜଣାପଡ଼ିନାହିଁ । ଆତ୍ମହତ୍ୟାର ୧୧ ଦିନ ପୂର୍ବରୁ ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ସୁଶାନ୍ତ ସିଂହ ରାଜପୁତ ଶେଷ ପୋଷ୍ଟ କରିଥିଲେ । ଯେଉଁଥିରେ ସେ ମାଆଙ୍କୁ ମନେ ପକାଇଥିଲେ ।
https://www.instagram.com/p/CA-S3cIDWOx/
ଜୁନ୍ ୩ ତାରିଖରେ ସୁଶାନ୍ତ ସିଂହ ରାଜପୁତ ନିଜ ସହ ମାଆଙ୍କ ଫଟୋ ସେୟାର୍ କରିଥିଲେ । ଯେଉଁଥିରେ ଲେଖିଥିଲେ ‘ଅସ୍ପଷ୍ଟ ଅତୀତ ଆଖିରୁ ଲୁହ ଗାଏବ ହେଉଛି । ପୂରଣ ହୋଇନଥିବା ସ୍ୱପ୍ନରୁ ଖୁସି ଆସୁଛି । ଖୁବଶୀଘ୍ର ସରି ଯାଉଥିବା ଜୀବନ ଦୁହିଁଙ୍କ ଭିତରେ ବୁଝାମଣା କରୁଛି ମାଆ ।’
ମହାମାରୀ କରୋନା ଭାଇରସ୍ ପାଇଁ ଅଧିକାଂଶ ଅଭିନେତା, ଅଭିନେତ୍ରୀ ସୋସିଆଲ୍ ମିଡିଆରେ ଆକ୍ଟିଭ୍ ଅଛନ୍ତି । ତେବେ, ଜୁନ୍ ୩ ଅର୍ଥାତ୍ ଶେଷ ପୋଷ୍ଟ ପରେ ସୁଶାନ୍ତଙ୍କୁ ଆଉ ସୋସିଆଲ୍ ମିଡିଆରେ ଆକ୍ଟିଭ୍ ଦେଖିବାକୁ ମିଳୁନଥିଲା । ସେ କୌଣସି ପୋଷ୍ଟ ବି କରିନଥିଲେ । ତେବେ, ସେ ଆଜି ମୁମ୍ବାଇ ସ୍ଥିତ ବାନ୍ଦ୍ରା ବାସଭବନରେ ଆତ୍ମହତ୍ୟା କରିଥିବା ଜଣାପଡ଼ିଛି ।
