କାନ୍ଦିଲା ଉତ୍ତର କୋରିଆର କ୍ରୁର ଶାସକ କିମ୍ ଜୋଙ୍ଗ ଉନ୍, ପ୍ରଥମ ଥର ପାଇଁ ମାଗିଲା କ୍ଷମା
ସେଓଲ: କ୍ରୁର ଶାସକ ଆଖିରେ ଅଶ୍ରୁ । ଉତ୍ତର କୋରିଆର ଏକଛତ୍ରବାଦ ଶାସକ କିମ୍ ଜୋଙ୍ଗ ଉନ୍ ନିଜର ବିଫଳତାକୁ ନେଇ କ୍ଷମା ମାଗିଛି । ଖବର ମୁତବାକ କିମ୍ ଜୋଙ୍ଗ ମହାମାରୀ କରୋନାର ମୁସ୍କିଲ୍ ସ୍ଥିତିକୁ ଠିକ୍ ଭାବେ ମୁକାବିଲା କରିପାରି ନଥିବାରୁ ଦେଶର ଜନତାଙ୍କୁ ଭୁଲ୍ ମାଗିଛି । କ୍ଷମା ମାଗିବା ପରେ କ୍ରୁର ଶାସକ କିମ୍ ଜୋଙ୍ଗ ଆଖିରେ ଆସି ଯାଇଥିଲା ଲୁହ ।
କିମ୍ ଜୋଙ୍ଗ ଉନ୍ ନିଜ ଦଳର ୭୫ ବର୍ଷ ପୂର୍ତ୍ତି ସମାରୋହକୁ ସମ୍ବୋଧିତ କଲାବେଳେ ଭାବପ୍ରବଣ ହୋଇ ଯାଇଥିଲା । କହିଥିଲା- ଉତ୍ତର କୋରିଆବାସୀଙ୍କ ଆଶା ଅନୁଯାୟୀ ସେ କାର୍ଯ୍ୟ କରିପାରିନାହିଁ । ସେଥିପାଇଁ ସେ କ୍ଷମା ପ୍ରାର୍ଥନା କରୁଛି । ଖବର ଅନୁସାରେ- କିମ୍ ଜୋଙ୍ଗ୍ ଉନ୍ ଚଷମା କାଢ଼ି ଭାଷଣ ଦେଉଥିବା ବେଳେ ଲୁହ ପୋଛିଥିଲା ।
କିମ୍ ଜୋଙ୍ଗ ଉନ୍ ତା’ର ପିତୃ ପୁରୁଷଙ୍କୁ ମନେ ପକାଇ କହିଥିଲା- କିମ୍ ୨ ସଙ୍ଗ ଓ କିମ୍ ଜୋଗ ଇଲଙ୍କ ମହାନ ଉଦ୍ଦେଶ୍ୟ ପୂରଣ କରିବା ପାଇଁ ଦେଶର ଲୋକ ମୋତେ ଦାୟିତ୍ୱ ହେଇଛନ୍ତି । କିନ୍ତୁ ମୋ ଚେଷ୍ଟା ଓ ଗମ୍ଭୀରତା ଦେଶର ଲୋକଙ୍କ ଜୀବନଧାରଣ କଷ୍ଟକୁ କମାଇବା ପାଇଁ ଯଥେଷ୍ଟ ହୋଇନାହିଁ । ଏଥିପାଇଁ ମୁଁ ଦୁଃଖିତ ।
କୁହାଯାଉଛି କିମ୍ ଜୋଙ୍ଗ ଉନ୍ ଏ ପ୍ରକାରର ଭାବପ୍ରବଣ ହେବାର ପଛର କାରଣ ମହାମାରୀ କରୋନା ଓ ପରମାଣୁ ଅସ୍ତ୍ରଶସ୍ତ୍ରକୁ ନେଇ ଲାଗିଥିବା ପ୍ରତବନ୍ଧକ ଯୋଗୁଁ କିମର ନେତୃତ୍ୱ ଉପରେ ବହୁତ ଚାପ ପଡ଼ିଛି ।
ଭାବପ୍ରବଣ ଭାଷଣ ବେଳେ କିମ୍ ଜୋଙ୍ଗ ଉନ୍ ମହାମାରୀ କରୋନା ଭାଇରସ୍ ପାଇଁ ଦୁନିଆ କେବଳ ଚ୍ୟାଲେଞ୍ଜର ସାମ୍ନା କରୁଛି କହିଥିଲା । କିମ୍ ଜୋଙ୍ଗ ଦକ୍ଷିଣ କୋରିଆ ସହିତ ସମ୍ପର୍କ ସୁଧାରିବା ନେଇ ଇଚ୍ଛା ପ୍ରକାଶ କରିଛି । ତେବେ, କିମ୍ ଜୋଙ୍ଗ ଆମେରିକା ସହ ସିଧା ଆଲୋଚନା କରିନାହିଁ ।
ଉତ୍ତର କୋରିଆରେ ଶନିବାର ସୈନ୍ୟ ପରେଡରେ ଲାଟେଷ୍ଟ ମିସାଇଲର ପ୍ରଦର୍ଶନ କରାଯାଇଥିଲା । ଏହି ମିସାଇଲ୍ ଉତ୍ତର କୋରିଆର ଇଣ୍ଟର କଣ୍ଟିନେଣ୍ଟଲ ବାଲିଷ୍ଟିକ୍ ମିସାଇଲ ଠାରୁ ଆହୁରି ଶକ୍ତିଶାଳୀ ଅଟେ । ସୈନ୍ୟ ପରେଡକୁ ନେଇ ଦକ୍ଷିଣ କୋରିଆ ଚିନ୍ତାବ୍ୟକ୍ତ କରିବା ସହ ଉତ୍ତରକୋରିଆ ନିରସ୍ତ୍ରୀକରଣ ପ୍ରତିଶ୍ରୁତି ଉପରେ ରହୁ ବୋଲି କହିଛି । ଦକ୍ଷିଣ କୋରିଆର ପ୍ରତିରକ୍ଷା ମନ୍ତ୍ରୀ କହିଛନ୍ତି- ସମ୍ଭବତଃ ଉତ୍ତର କୋରିଆ ଲମ୍ବା ଦୂରତା ବାଲିଷ୍ଟିକ୍ ମିସାଇଲର ପ୍ରଦର୍ଶନ କରିଛି ।
