ବିରାଟ କୋହଲିଙ୍କ ପିତୃତ୍ୱ ଛୁଟିକୁ ନେଇ କ’ଣ କହିଲେ କପିଲ, ଜାଣନ୍ତୁ

ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲିଙ୍କ ପାଟରନିଟି ଲିଭ (ପିତୃତ୍ୱ ଛୁଟି)କୁ ନେଇ ଏବେ ଚର୍ଚ୍ଚା ଜୋର ଧରିଛି ।

ବିରାଟ ଏବଂ ତାଙ୍କ ବଲିଉଡ ଅଭିନେତ୍ରୀ ପତ୍ନୀ ଅନୁଷ୍କା ଶର୍ମା ଆସନ୍ତା ୨୦୨୧ ମସିହା ଜାନୁଆରୀ ୨୦୨୧ରେ ସେମାନଙ୍କର ପ୍ରଥମ ସନ୍ତାନକୁ ସ୍ୱାଗତ କରିବାକୁ ଯାଉଛନ୍ତି। ସନ୍ତାନ ଜନ୍ମ ସମୟରେ ସେ ନିଜ ପତ୍ନୀ ଏବଂ ପରିବାର ସହିତ ରହିବାକୁ ଚାହିଁଛନ୍ତି । ଯେଉଁଥିପାଇଁ ସେ କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ)ରୁ ପିତୃତ୍ୱ ଛୁଟି ନେଇଛନ୍ତି।

ଅଷ୍ଟ୍ରେଲିଆ ଗସ୍ତରେ (ଭାରତ ବନାମ ଅଷ୍ଟ୍ରେଲିଆ) ଆଡିଲେଡ ଠାରେ ପ୍ରଥମ ଟେଷ୍ଟ ମ୍ୟାଚ୍ ଖେଳିବା ପରେ ବିରାଟ ଭାରତ ଫେରିଯିବେ ବୋଲି ସୂଚନା ମିଳିଛି। ବିରାଟ କୋହଲିଙ୍କ ପିତୃତ୍ୱ ଛୁଟିକୁ ପ୍ରଶଂସକଙ୍କ ମଧ୍ୟରେ ମିଶ୍ର ପ୍ରତିକ୍ରିୟା ଦେଖାଦେଇଛି | କେହି କେହି ଏହାକୁ ସମର୍ଥନ କରୁଥିବାବେଳେ ଆଉ କେହି କେହି ଏହାକୁ ପସନ୍ଦ କହୁଛନ୍ତି।

କିନ୍ତୁ  ଏହିଭଳି ଭାବେ ଅନେକ କ୍ରିକେଟର ରହିଛନ୍ତି ଯେଉଁମାନେକି ନିଜ ସନ୍ତାନ ଜନ୍ମ ସମୟରେ ନିଜ ପରିବାର ସହିତ ରହିପାରିନାହାଁନ୍ତି । ତନ୍ମଧ୍ୟରୁ ଜଣେ ହେଉଛନ୍ତି ସୁନୀଲ ଗାଭାସ୍କର । ଆସନ୍ତୁ ଜାଣିବା କ’ଣ ରହିଛି ସମ୍ପୂର୍ଣ୍ଣ ଘଟଣା…

ନିକଟରେ କପିଲ ଦେବ କହିଛନ୍ତି ଯେ 1976 ମସିହାରେ ରୋହନ ଗାଭାସ୍କର ଜନ୍ମ ବେଳକୁ ସୁନିଲ ଓ୍ୱେଷ୍ଟଇଣ୍ଡିଜ ଗ୍ରସ୍ତରେ ଥିଲେ । ସେ ସମୟରେ ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଏହି ସିରିଜ୍ ଖେଳାଯାଉଥିଲା । ତେବେ ପୂର୍ବତନ ଭାରତୀୟ କ୍ରିକେଟର ଅଶୁଂମାନ ଗାଇକୱାଡ ମଧ୍ୟ ସୁନୀଲ ଗାଭାସ୍କରଙ୍କର ସେହି କାହାଣୀ ସମ୍ପର୍କରେ କହିଛନ୍ତି ।

ଅଶୁଂମାନ ଗାଏକୱାଡ କହିଛନ୍ତି ଯେ ଗାଭାସ୍କର ତାଙ୍କ ଜନ୍ମିତ ପୁଅକୁ ଦେଖିବାକୁ ଭାରତ ଆସିବାକୁ ଚାହୁଁଛନ୍ତି, କାରଣ ଦୁଇ ସପ୍ତାହ ପରେ ଭାରତର ପରବର୍ତ୍ତୀ ସିରିଜ ୱେଷ୍ଟଇଣ୍ଡିଜରେ ଥିଲା, କିନ୍ତୁ ବିସିସିଆଇ ତାଙ୍କୁ ଅନୁମତି ଦେଇନଥିଲା।  ଏମିତିକି ବାକି ଟିମ୍ ସହ ୱେଷ୍ଟଇଣ୍ଡିଜକୁ ଯିବାକୁ ବିସିସିଆଇ ତାଙ୍କୁ କହିଥିଲା।

ସେ ଆହୁରି ମଧ୍ୟ କହିଛନ୍ତି ଯେ ଗାଭାସ୍କର ପ୍ରାୟ ଅଢେଇ ମାସ ପରେ ତାଙ୍କ ପୁଅ ରୋହନକୁ ଦେଖିବାକୁ ସକ୍ଷମ ହୋଇଥିଲେ।

କପିଲ  ମଧ୍ୟ ବିରାଟଙ୍କ ପିତୃତ୍ୱ ଛୁଟିକୁ ସମର୍ଥନ କରିବା ସହ କହିଛନ୍ତି ଯେ ବିରାଟ ପିତାଙ୍କ ମୃତ୍ୟୁର ଗୋଟିଏ ଦିନ ପରେ ମଧ୍ୟ ମ୍ୟାଚରେ ଯୋଗ ଦେଇଥିଲେ ।