ମହିଳାଙ୍କ ସହ ଯୁବକଙ୍କୁ ବାନ୍ଧି ଦାଣ୍ଡରେ ବୁଲାଇଲେ ଗାଁ ଲୋକ, ଜାଣନ୍ତୁ କ’ଣ ପାଇଁ ?

କେନ୍ଦ୍ରାପଡ଼ା: କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଶ୍ରୀରାମପୁର ପାଳପାଟଣାରେ କଙ୍ଗାରୁକୋର୍ଟ । ଜଣେ ବିବାହିତା ମହିଳା ଓ ଜଣେ ଯୁବକଙ୍କୁ ରଶିରେ ବାନ୍ଧି ଗାଁରେ ବୁଲାଇଲେ କିଛି ଯୁବକ । ଯାହାର ଭିଜୁଆଲ ସୋସିଆଲ ମିଡିଆରେ ଭାଇରାଲ ହୋଇଛି ।

ଖବର ଅନୁସାରେ ଗାଁର ଜଣେ ମହିଳାଙ୍କ ସ୍ୱାମୀଙ୍କ ଘରେ ନଥିବା ବେଳେ ତାଙ୍କ ଘରକୁ ରାତିରେ ଜଣେ ଯୁବକ ଯାଇଥିଲେ । ଏ ସଂପର୍କରେ ଜାଣିପାରି ଗାଁର କିଛି ଯୁବକ ଉଭୟଙ୍କୁ ଘରେ ତାଲା ପକାଇ ଦେଇଥିଲେ । ପରଦିନ ସକାଳେ ମହିଳା ଓ ଯୁବକଙ୍କୁ ରଶିରେ ବାନ୍ଧି ଗାଁରେ ବୁଲାଇବାର ଭିଜୁଆଲ ଭାଇରାଲ ହୋଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରିଛି ।

ସୂଚନା ଅନୁଯାୟୀ, ମହିଳା ଜଣଙ୍କର ସ୍ୱାମୀ ଘରେ ନଥିବାବେଳେ ଯୁବକ ଜଣଙ୍କ ତାଙ୍କ ଘରକୁ ଯାଇଥିଲେ । ଏ ବିଷୟରେ ଜାଣିବା ପରେ ସ୍ଥାନୀୟ ଯୁବକ ଘରକୁ ବାହାରୁ ତାଲା ପକେଇ ଦେଇଥିଲେ । ସକାଳେ ଦୁହିଁଙ୍କୁ ରଶିରେ ବାନ୍ଧି କିଛି ଯୁବକ ଗାଁରେ ବୁଲାଇଥିବା ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା । କିଛି ବୁଦ୍ଧିଜୀବୀ ପୋଲିସକୁ ଅବଗତ କରାଇବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ଦୁହିଁଙ୍କୁ ଉଦ୍ଧାର କରିଥିଲା ।

ଆଇଆଇସିଙ୍କ ସୂଚନା ଅନୁଯାୟୀ, ଏବାବଦରେ ବର୍ତ୍ତମାନ ଥାନାରେ କୌଣସି ଏଫଆଇଆର ଦାଖଲ ହୋଇନାହିଁ ଏବଂ ସୋସିଆଲ ମିଡିଆରେ ଭାଇରାଲ ହେଉଥିବା ଭିଜୁଆଲ ମଧ୍ୟ ପୋଲିସ ହସ୍ତଗତ ହୋଇନାହିଁ । ଏଫଆଇଆର ଦାଖଲ ହେବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିବ ବୋଲି ଆଇଆଇସି ସୂଚନା ଦେଇଛନ୍ତି । ବର୍ତ୍ତମାନ ଯୁବକଙ୍କୁ ଥାନାରେ ଅଟକ ରଖିଛି ପୋଲିସ ।

ସ୍ଥାନୀୟ ଯୁବକଙ୍କ ସୂଚନା ଅନୁଯାୟୀ, ଉକ୍ତ ଯୁବକ ଜଣଙ୍କ ମହିଳାଙ୍କ ଘରକୁ ବାରମ୍ବାର ଯାଉଥିଲେ । ଗତକାଲି ଯୁବକ ଜଣଙ୍କ ମହିଳାଙ୍କ ଘରକୁ ଯିବାର ଦେଖିବା ପରେ ଦୁହିଁଙ୍କୁ ଘର ଭିତରେ ତାଲା ପକାଇଦେଇଥିଲେ । ଏପର୍ଯ୍ୟନ୍ତ ଘଟଣାକୁ ନେଇ ମହିଳା କିମ୍ବା ତାଙ୍କ ପରିବାର ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ । ଏଫଆଇଆର ଦାଖଲ ହେବା ପରେ ଆଇନ ଅନୁଯାୟୀ ତଦନ୍ତ କରାଯିବ ବୋଲି ପୋଲିସ ସୂଚନା ଦେଇଛି ।

Leave a Reply