ରିୟାଙ୍କୁ ନେଇ ଏମିତି କହିଲେ କଙ୍ଗନା, ‘ସିଏ ଛୋଟ ଡ୍ରଗି, ଏବେ କୁହ ମାଷ୍ଟରମାଇଣ୍ଡ କିଏ ?’

ମୁମ୍ବାଇ: ନାର୍କୋଟିକ୍ କଣ୍ଟ୍ରୋଲ୍ ବ୍ୟୁରୋ ଡ୍ରଗ୍ସ ମାମଲାରେ ରିୟା ଚକ୍ରବର୍ତ୍ତୀଙ୍କୁ ଗିରଫ କରିଛି । ତିନିଦିନର ମାରାଥନ ଜେରା ପରେ ରିୟାଙ୍କ ହାତରେ ପଡ଼ିଛି ହାତକଡ଼ି । ଏହି ମାମଲାରେ ସୋସିଆଲ୍ ମିଡିଆରେ କେତକ ୟୁଜର ଏନସିବି କାର୍ଯ୍ୟାନୁଷ୍ଠାନକୁ ସ୍ୱାଗତ କରିଛନ୍ତି । ଏହି ମାମଲାରେ ଶେଖର ସୁମନ ପ୍ରତିକ୍ରିୟା ରଖି ଏହାକୁ ଭଲ କହିଛନ୍ତି । ଅନ୍ୟପଟେ ମାମଲାରେ ମତ ରଖିଛନ୍ତି କଙ୍ଗନା ରଣାୱତ ।

ଏନସିବି ଦ୍ୱାରା ରିୟାଙ୍କ ଗିରଫଦାରୀ ଉପରେ କଙ୍ଗନା ରହିଛନ୍ତି-‘ମୁଁ ସବୁବେଳେ କହି ଆସୁଛି ରିୟା କେବଳ ମୋହରା । ହୋଇଥାଇ ପାରେ ସେ କେବେ ଛୋଟମୋଟ ଡ୍ରଗ୍ସ କାରବାରେ ସମ୍ପୃକ୍ତ । କିନ୍ତୁ ଏବେ ମାଷ୍ଟରମାଇଣ୍ଡ ନାଁ ସାମ୍ନାକୁ ଆସିବା ଦରକାର । ଯିଏକି ସୁଶାନ୍ତଙ୍କ କ୍ୟାରିଅର ଶେଷ କରି ଦେଇଛି ।’ ପ୍ରକୃତରେ କିଏ ସୁଶାନ୍ତଙ୍କ ହାତରୁ ଫିଲ୍ମ ଛଡ଼ାଇ ନେଇଥିଲା ? କିଏ ସୁଶାନ୍ତଙ୍କ ଛବି ଖରାପ କରୁଥିଲା ? ସବୁଠୁ ବଡ଼ ପ୍ରଶ୍ନ କିଏ ଡ୍ରଗ୍ସ ଦେଉଥିଲା ? ଏବେ ସମସ୍ତଙ୍କୁ ଏକ୍ସପୋଜ୍ କରିବା ଦରକାର, ନହେଲେ ବହୁତ ଡେରି ହୋଇଯିବ ।

କଙ୍ଗନାଙ୍କ ଡ୍ରଗ୍ସ ଆଙ୍ଗଲର ଯାଞ୍ଚ କରିବ ମହାରାଷ୍ଟ୍ର ପୋଲିସ

ଅନ୍ୟପଟେ ଡ୍ରଗ୍ସ ଆଙ୍ଗଲରେ କଙ୍ଗନା ନିଜେ ଫସିଛନ୍ତି । ମହାରାଷ୍ଟ୍ର ସରକାର କଙ୍ଗନାଙ୍କ ପୂର୍ବତନ ବଏଫ୍ରେଣ୍ଡ ଅକ୍ଷୟନ ସୁମନଙ୍କ ସାକ୍ଷାତକାର ଆଧାରରେ ନିଷ୍ପତ୍ତି ନେଇଛନ୍ତି ସରକାର, ଯାଞ୍ଚ ହେବ ଡ୍ରଗ୍ସ ସହ କଙ୍ଗନାଙ୍କ ସମ୍ପୃକ୍ତି । ଅକ୍ଷୟନଙ୍କ ଅନୁସାରେ- କଙ୍ଗନା ତାଙ୍କୁ ବେଆଇନ୍ ଡ୍ରଗ୍ସ ଦେଉଥିଲେ । କଙ୍ଗନା ଏହି ମାମଲାରେ ପ୍ରତିକ୍ରିୟା ରଖି କହିଛନ୍ତି- ସେ ଯାଞ୍ଚ ପାଇଁ ସମ୍ପୂର୍ଣ୍ଣ ପ୍ରସ୍ତୁତ । ଯଦି ଡ୍ରଗ୍ସ ପେଡଲରଙ୍କ ସହ ମୋ ସମ୍ପର୍କ ନେଇ ପ୍ରମାଣ ମିଳେ ତ ମୁଁ ମୁମ୍ବାଇ ଛାଡ଼ିଦେବି ବୋଲି କହିଛନ୍ତି କଙ୍ଗନା ।