ସାମ୍ବାଦିକ ରାଜେନ୍ଦ୍ର ମିଶ୍ରଙ୍କ ଦେହାନ୍ତ

1 min read

ରାଉରକେଲା: ଖବର ଦେଉଥିବା ବ୍ୟକ୍ତି ଯେବେ ନିଜେ ଖବର ପାଲଟିଯାଏ, ତାହାକୁ ବର୍ଣ୍ଣନା କରିବାକୁ ଭାଷାର ମଧ୍ୟ ଅଭାବ ପଡେ । ସମ୍ବାଦ ଏବଂ ସେବା ପାଇଁ ସାମ୍ବାଦିକତା କରୁଥିବା ବ୍ୟକ୍ତି ଯେବେ ଶୋଇଯାଏ, ସେବେ ସବୁଠି ସୃଷ୍ଟି ହୁଏ ଚର୍ଚ୍ଚା । ରାଉରକେଲାର ପ୍ରତିଷ୍ଠିତ  ସାମ୍ବାଦିକ ରାଜେନ୍ଦ୍ର ମିଶ୍ର ଆଜି ସମସ୍ତଙ୍କ ପାଇଁ ସେହି ସମାନ ପରିସ୍ଥିତି ସୃଷ୍ଟି କରିଛନ୍ତି । ଦୀର୍ଘଦିନ ଧରି ଚିକିତ୍ସିତ ହେଉଥିବା ରାଜେନ୍ଦ୍ର ଶେଷରେ ରବିବାର ଶେଷ ନିଶ୍ୱାସ ତ୍ୟାଗ କରିଛନ୍ତି ।

ପୂର୍ବରୁ କୋଭିଡ-୧୯ରେ ପୀଡିତ  ଅନେକ ସାମ୍ବାଦିକ ବିଗତ ଦିନରେ ଆଖି ବୁଜିଥିବା ବେଳେ ରାଜେନ୍ଦ୍ର ନାଥ ମିଶ୍ରଙ୍କ ରବିବାର ମଧୁମେହ ଏବଂ ବୃକକ ଜନିତ ସମସ୍ୟା ଯୋଗୁଁ ମୃତ୍ୟୁ ଘଟିଛି । ରାଉରକେଲା ଆଇଜିଏଚରେ ଚିକିତ୍ସିତ ହେଉଥିବାବେଳେ ରବିବାର ଅତ୍ୟନ୍ତ ବିଗିଡିଯାଇଥିଲା ତାଙ୍କ ସ୍ୱାସ୍ଥ୍ୟବସ୍ଥା । ଶେଷରେ ଡାକ୍ତରଙ୍କ ସମସ୍ତ ପରିଶ୍ରମ ସ୍ୱତେ ଶେଷ ନିଶ୍ୱାସ ତ୍ୟାଗ କରିଥିଲେ ରାଜେନ୍ଦ୍ର ।

କର୍ତ୍ତବ୍ୟ ପରାୟଣ ଏବଂ ସମାଜରେ ସେବା କରିବାର ଲକ୍ଷ୍ୟ ନେଇ ସାମ୍ବାଦିକତା ଜାରି ରଖିଥିବା ରାଜେନ୍ଦ୍ର ଜଣେ ପରୋଉପକାରୀ ବ୍ୟକ୍ତି ଭାବେ ପରିଚିତ । ହିନ୍ଦୀ ଖବର କାଗଜରୁ ଭବିଷ୍ୟତ ଆରମ୍ଭ କରିଥିବା ରାଜେନ୍ଦ୍ର ଓଡିଆ ନିୟୁଜ ଚ୍ୟାନେଲ ଏବଂ ପୋର୍ଟାଲରେ  କାର୍ଯ୍ୟ ଜାରି ରଖିଥିଲେ । ରାଜେନ୍ଦ୍ରଙ୍କ ଦେହାନ୍ତରେ ସ୍ଥାନୀୟ ଅଞ୍ଚଳବାସୀ ମର୍ମାହତ ହୋଇପଡିଥିବା ବେଳେ ଓଡିଶା ସାମ୍ବାଦିକ ଜଗତରେ ସୃଷ୍ଟି କରିଛି ଦୁଃଖଦ ସ୍ଥିତି ।

Leave a Reply