ଜୋ ବାଇଡେନଙ୍କ ବିଜୟକୁ ନେଇ ପାକିସ୍ତାନ ଖୁସି, ଜାଣନ୍ତୁ କଣ କହିଲେ ଇମରାନ୍-ନୱାଜ…

ୱାଶିଂଟନ୍: ଦୁନିଆରେ ଏବେ ଆମେରିକାର ଚର୍ଚ୍ଚା । ଜୋ ବାଇଡେନଙ୍କୁ ବିଜୟୀକୁ ନେଇ ପାକିସ୍ତାନ ବେଶ୍ ଖୁସି ଜଣାପଡ଼ୁଛି । ପ୍ରକୃତରେ, ଟ୍ରମ୍ପ ଆତଙ୍କବାଦକୁ ନେଇ ସର୍ବସାଧାରଣ ମଞ୍ଚରେ ପାକିସ୍ତାନକୁ ଧିକାର କରିଛନ୍ତି । ଏଥିପାଇଁ ବାଇଡେନ୍ ଜିତିବା ପରେ ପାକିସ୍ତାନ ଦୁଇ ଦେଶ ମଧ୍ୟରେ ଥିବା ସମ୍ପର୍କରେ ସୁଧାର ଆସିବା ନେଇ ସ୍ୱପ୍ନ ଦେଖୁଛି ।

ବାଇଡେନ ଜିତିବା ପରେ ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ ଶୁଭେଚ୍ଛା ଜଣାଇ ଆମେରିକା ସହ କାମ କରିବା ପାଇଁ ଇଚ୍ଛା ପ୍ରକାଶ କରିଛନ୍ତି । ଆଶା କରିଛନ୍ତି- ଗ୍ଲୋବାଲ ସମିଟ ଅନ୍ ଡେମୋକ୍ରାସି ଓ ବେଆଇନ୍ ଟ୍ୟାକ୍ସ ଚୋରି ଶେଷ କରିବା ଓ ଭୁଲ୍ ଉପାୟରେ ଦେଶର ସମ୍ପତ୍ତିର ନେଣଦେଣରେ ସାମିଲ୍ ଥିବା ଲୋକଙ୍କ ଉପରେ ପ୍ରତିବନ୍ଧକ ଲଗାଇବା ପାଇଁ ମିଶି କାମ କରିବେ । ଆମେ ଆଫଗାନିସ୍ତାନ ଓ ଅନ୍ୟ ଅଞ୍ଚଳରେ ଆମେରିକା ସହ ଶାନ୍ତି ପାଇଁ କାମ ଜାରି ରଖିବୁ ବୋଲି କହିଛନ୍ତି ଇମରାନ ।

Congratulations @JoeBiden & @KamalaHarris. Look forward to President Elect Biden's Global Summit on Democracy & working with him to end illegal tax havens & stealth of nation's wealth by corrupt ldrs. We will also continue to work with US for peace in Afghanistan & in the region

— Imran Khan (@ImranKhanPTI) November 7, 2020

ପାକିସ୍ତାନର ପୂର୍ବ ପ୍ରଧାନମନ୍ତ୍ରୀ ନୱାଜ ସରିଫ୍ ମଧ୍ୟ ବାଇଡେନଙ୍କୁ ଜିତିବା ନେଇ ଶୁଭେଚ୍ଛା ଜଣାଇଛନ୍ତି । ସେ ଟ୍ୱିଟ୍ କରି ଲେଖିଛନ୍ତି- ଜୋଇ ବାଇଡେନଙ୍କୁ, ଆମେରିକାର ଲୋକଙ୍କୁ ଐତିହାସିକ ବିଜୟ ପାଇଁ ଶୁଭେଚ୍ଛା । ଆମେ ଆପଣଙ୍କ ନେତୃତ୍ୱରେ ଆମେରିକା ଓ ପାକିସ୍ତାନ ମଧ୍ୟରେ ଭଲ ସମ୍ପର୍କ ପାଇଁ ଆଂକାକ୍ଷିତ ।

Congratulations @JoeBiden on a historic victory for you, the American people and democracy. We look forward to better ties between the US and Pakistan under your leadership.

— Nawaz Sharif (@NawazSharifMNS) November 7, 2020

ନୱାଜ ସରିଫଙ୍କ ଝିଅ ମରିୟମ ନୱାଜ କହିଛନ୍ତି- ଜୋ ବାଇଡେନ ଓ କମଳା ହ୍ୟାରିସଙ୍କୁ ଐତିହାସିକ ଓ ବିପୁଳ ବିଜୟ ପାଇଁ ଶୁଭେଚ୍ଛା । ଏହା ବାସ୍ତବ ବିଜୟ । ଯାହା ଦୁନିଆବ୍ୟାପୀ ଅନୁକୂଳ ଭାବେ ଗ୍ରହଣ କରିବା ଉଚିତ୍ । ଆଶା ଅଛି- ଆମେରିକା-ପାକିସ୍ତାନ ସମ୍ପର୍କ ସୁଧାରିବା ଲାଗି ଆଶାଜନକ ଆରମ୍ଭ ହେବ ।

ଶନିବାର ଆମେରିକା ନିର୍ବାଚନର ଅନ୍ତିମ ଫଳାଫଳ ଆସିଛି । ଜୋ ବାଇଡେନ ଆମେରିକାର ପରବର୍ତ୍ତୀ ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି । ଭାରତୀୟ ବଂଶୋଦ୍ଭବ କମଳା ହ୍ୟାରିସ୍ ମଧ୍ୟ ଏହି ନିର୍ବାଚନରେ ଜିତିବା ସହ ଇତିହାସ ସୃଷ୍ଟି କରିଛନ୍ତି । କମଳା ପ୍ରଥମ ମହିଳା ଭାବେ ଆମେରିକାର ଉପରାଷ୍ଟ୍ରପତି ପଦରେ ବସିବେ ।