ଭଗବାନଙ୍କ ଦ୍ୱିତୀୟ ଅବତାର ଡାକ୍ତର, ଚାକିରି ସରିବା ପରେ ବି ଜାରି ରଖିଛନ୍ତି ମାଗଣା ରୋଗୀ ଚିକିତ୍ସା
ଯାଜପୁର: ଡାକ୍ତର ଭଗବାନଙ୍କ ଦ୍ୱିତୀୟ ଅବତାର । ଏହାକୁ ପୁଣି ଥରେ ପ୍ରମାଣିତ କରିଛନ୍ତି ଯାଜପୁର ଜିଲ୍ଲାର ପୂର୍ବତନ ଜିଲ୍ଲା ଚିକିତ୍ସାଧିକାରୀ ତଥା ଅବସର ପ୍ରାପ୍ତ ଡାକ୍ତର ବିଜୟ କୁମାର ଶତପଥୀ । ଚିକିତ୍ସା ଅଭାବରୁ ଯନ୍ତ୍ରଣାରେ ଛଟପଟ ହେଉଥିବା ରୋଗୀଙ୍କୁ ସହାୟତାର ହାତ ବଢାଇଛନ୍ତି । ଆଉ ଘର ଘର ବୁଲି ରୋଗୀଙ୍କୁ ଚିକିତ୍ସା କରୁଛନ୍ତି । ଅବସର ପରେ ବି ସେ ଜାରି ରଖିଛନ୍ତି ରୋଗୀ ସେବା । ରୋଗୀ ସେବା ପାଇଁ ଜୀବନକୁ କରିଛନ୍ତି ଉତ୍ସର୍ଗୀକୃତ ।
ଧାନମଣ୍ଡଳ ଗାଁର ଚନ୍ଦ୍ର ଶେଖର ବେହେରାଙ୍କର ଗୋଡ଼ ଦୁଇଟି ସଂପୂର୍ଣ୍ଣ ଅଚଳ ହୋଇଯାଇଥିବା ବେଳେ ତାଙ୍କର ସଂପୂର୍ଣ୍ଣ ଚିକିତ୍ସା ଦାୟିତ୍ୱ ନେଇଛନ୍ତି ଏହି ଡାକ୍ତର । କେବଳ ସେତିକି ନୁହେଁ ପରିବାର ଚଳିବା ପାଇଁ ଆବଶ୍ୟକ ରାସନ ଯୋଗାଇବା ସହ ଆଗକୁ ସଂପୂର୍ଣ୍ଣ ଚିକିତ୍ସା କରିବାର ପ୍ରତିଶ୍ରୁତି ମଧ୍ୟ ଦେଇଛନ୍ତି ।
ଚନ୍ଦ୍ର ଶେଖରଙ୍କ ପରି ଅନେକ ଅସହାୟ ଗରିବ ବ୍ୟକ୍ତିଙ୍କୁ ଚିକିତ୍ସା ଯୋଗାଇ ଡାକ୍ତର ଭଗବାନ ପାଲଟିଯାଇଛନ୍ତି ବିଜୟ କୁମାର ଶତପଥୀ । ଆଗକୁ ଏପରି ସେବା କରିବେ ବୋଲି ଡାକ୍ତର ପଣ କରିଛନ୍ତି ।
