ଜାତୀୟ ରାଜପଥ ପାଲିଟିଛି ମରଣଯନ୍ତା, ଯେତେ ଅଭିଯୋଗ କଲେ ବି କେହି ଶୁଣୁନାହାନ୍ତି

Koraput Jeypore road

କୋରାପୁଟ/ଜୟପୁର: ଜାତୀୟ ରାଜପଥ ପାଲିଟିଛି ମରଣଯନ୍ତା । ଜୟପୁର କୋରାପୁଟ ରାସ୍ତାରେ ଯିବା ଆସିବା ଅତ୍ୟନ୍ତ କଷ୍ଟକର ହୋଇପଡିଛି । ଏମିତିକି ଆମ୍ବୁଲାନ୍ସ ବି ଯିବା ଆସିବା ବେଳେ ସମସ୍ୟା ସୃଷ୍ଟି କରୁଛି । ତେବେ ଏଥିପ୍ରତି ଏନ୍‌ଏଚ୍‌ଏଆଇଙ୍କ କୌଣସି ଦୃଷ୍ଟି ନଥିବା ଜଣାପଡୁଛି । ଫଳରେ ଏହାକୁ ବିରୋଧ କରି ଆଜି ରାଜରାସ୍ତାକୁ ଓହ୍ଲାଇଥିଲା ବିଜେଡି ।

ଜୟପୁରରୁ ବୋରିଗୁମ୍ମା ୨୬ ନମ୍ବର ଜାତୀୟ ରାଜପଥ । ରାସ୍ତା ପାଲଟିଛି ମରଣଯନ୍ତା । ସୃଷ୍ଟି ହୋଇଛି ବଡ଼ ବଡ଼ ଖାଲ ଖମା । ସୃଷ୍ଟି କରୁଛି କୃତ୍ରିମ ପୋଖରୀର ଭ୍ରମ । ଜାତୀୟ ରାଜପଥ ଘେରାଉ ସହ ସ୍ମାରକପତ୍ର ଦେଲା ବିଜେଡି । ଏହି ରାସ୍ତାରେ ପ୍ରାୟ ପ୍ରତିଦିନ ହଜାର ହଜାର ଗାଡି ଯିବା ଆସିବା କରୁଛି । ଖାଲି ସେତିକି ନୁହେଁ ଆମ୍ବୁଲାନ୍ସ ଯିବା ବେଳେ ବି କଷ୍ଟରେ ଯିବାକୁ ପଡୁଛି । ୨୬ ନମ୍ବର ଜାତୀୟ ରାଜପଥକୁ ନେଇ ବିଭିନ୍ନ ସମୟରେ ଲୋକେ ଅସୁବିଧାର ସମ୍ମୁଖିନ ହେଉଛନ୍ତି । ଏନେଇ ବହୁବାର ସ୍ଥାନୀୟ ଲୋକେ ରାସ୍ତା ମରାମତି କରିବାକୁ ଅଭିଯୋଗ କରିଛନ୍ତି । ହେଲେ ଜାତୀୟ ରାଜପଥ କତ୍ତୃପକ୍ଷ ନିରବ ଦ୍ରଷ୍ଟା ପଲାଟିଯାଇଥିବା ଅଭିଯୋଗ କରିଛି ବିଜୁ ଜନତା ଦଳ ।

ସେପଟେ ଅଭିଯୋଗକୁ ଜାତୀୟ ରାଜପଥ ନିର୍ବାହୀ ଯନ୍ତ୍ରୀ ଅନୁଧ୍ୟାନ କରିବେ ବୋଲି ପ୍ରତିଶ୍ରୁତି ଦେଇଛନ୍ତି । ଖୁବ୍‌ ଶୀଘ୍ର ଖାଲ ଗୁଡିକର ମରାମତି କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ନିର୍ବାହୀ ଯନ୍ତ୍ରୀ । ଏଦିଗରେ କତ୍ତୃପକ୍ଷ ଧ୍ୟାନ ନଦେଲେ ଆଗାମୀ ଦିନରେ ପରିସ୍ଥିତି ଭୟାବହ ହେବାର ଚେତାବନୀ ଦେଇଛନ୍ତି ଆନ୍ଦୋଳନକାରୀ ।

(ହୃଷୀକେଶ ମିଶ୍ର)

Leave a Reply