୬ଟି ଗୁରୁତ୍ୱପୂର୍ଣ୍ଣ ଦିଗ ଉପରେ ନୂଆ ଡିଜିପିଙ୍କ ନଜର

କଟକ: ପୋଲିସ ମହାନିର୍ଦ୍ଦେଶକ ଭାବେ ଦାୟିତ୍ୱ ଗ୍ରହଣ କଲେ ଅଭୟ । ୧୯୮୬ ବ୍ୟାଚର ବରିଷ୍ଠ ଆଇପିଏସ୍ ଅଫିସର ଅଭୟ ଆଜି ଡିଜିପି ଭାବେ ପୋଲିସ ମୁଖ୍ୟାଳୟରେ ଦାୟିତ୍ୱ ନେଇଛନ୍ତି । ଅନ୍ତରୀଣ ଡିଜିପି ସତ୍ୟଜିତ୍ ମହାନ୍ତି ତାଙ୍କୁ ଦାୟିତ୍ୱ ହସ୍ତାନ୍ତର କରିଛନ୍ତି । ପୋଲିସ ମୁଖ୍ୟାଳୟରେ ଅଭୟଙ୍କୁ ପ୍ରଥମେ ଗାର୍ଡ ଅଫ୍ ଅନର ଦିଆଯାଇଥିଲା ।

ଦାୟିତ୍ୱ ଗ୍ରହଣ ପରେ ୬ଟି ଗୁରୁତ୍ୱପୂର୍ଣ୍ଣ ଦିଗ ଉପରେ ଅଭୟ ଫୋକସ୍ କରିଛନ୍ତି । ‘ମୋ ସରକାର’ କାର୍ଯ୍ୟକ୍ରମକୁ ଅଧିକ କ୍ରିୟାଶୀଳ କରାଯିବ । 5T ଆଧାରରେ ପୋଲିସ ବ୍ୟବସ୍ଥାରେ ସ୍ୱଚ୍ଛତା, ଅଭିଯୋଗକାରୀଙ୍କୁ ପ୍ରାଥମିକତା ଦେଇଛନ୍ତି ନୂଆ ପୋଲିସ ଡିଜି ଅଭୟ ।

ଦିନକୁ ଦିନ ବଢ଼ି ଚାଲିଥିବା ନାରୀ ନିର୍ଯାତନା ଉପରେ ଡିଜିପି ଫୋକସ୍ କରିଛନ୍ତି । ନାରୀଙ୍କୁ ସୁରକ୍ଷା ସହ ଶସକ୍ତକରଣ ଉପରେ ପଦକ୍ଷେପ ନିଆଯିବ ବୋଲି କହିଛନ୍ତି । ରାଜ୍ୟରେ ମାଓବାଦ ସମସ୍ୟା ଉପରେ ଧ୍ୟାନ ଦିଆଯିବ । ଗତ ୫ରୁ ୧୦ ବର୍ଷ ମଧ୍ୟରେ ମାଓ କାର୍ଯ୍ୟକଳାପ କମିଛି । ମୂଳ ଉତ୍ପାଟନ ଲାଗି ପଦକ୍ଷେପ ନିଆଯିବ ।

ସେହିପରି ସଙ୍ଗଠିତ ଅପରାଧ ରୋକିବା ପାଇଁ ପୋଲିସ ମାଫିଆ ଦମନ ଅଭିଯାନ ଆରମ୍ଭ କରିବ । ରାଜ୍ୟ ପୋଲିସର ତଦନ୍ତ ପ୍ରଣାଳୀକୁ ଆହୁରି ଉନ୍ନତ କରିବାକୁ ପଦକ୍ଷେପ ନିଆଯିବ ବୋଲି କହିଛନ୍ତି ଡିଜିପି ଅଭୟ ।

https://nandighoshatv.com1996-batch-ips-abhaya-will-join-as-odisha-dgp-soon/

ଏହା ପୂର୍ବରୁ ଅଭୟ ହାଇଦ୍ରାବାଦର ସର୍ଦ୍ଦାର ବଲ୍ଲଭଭାଇ ପଟେଲ ନ୍ୟାସନାଲ ପୋଲିସ ଏକାଡେମୀର ନିର୍ଦ୍ଦେଶକ ଭାବେ କାର୍ଯ୍ୟ କରୁଥିଲେ ।

https://nandighoshatv.com1986-batch-ips-abhay-appointed-as-odisha-dgp/

https://youtu.be/Ba9rthkFGlI