ଆଜିଠୁ ବିଦେଶରେ ବାଜିବ IPL ବିଗୁଲ, ବିନା ଦର୍ଶକରେ ହେବ T-20 ମ୍ୟାଚ୍‌

1 min read

ନନ୍ଦିଘୋଷ ବ୍ୟୁରୋ: ଦୀର୍ଘ ଦିନର ଅପେକ୍ଷା ପରେ ଦୁଲୁକିବ କ୍ରିକେଟ ଷ୍ଟାଡିୟମ । ଜମିବ ଫଟାଫଟ ଟି-୨୦ ମ୍ୟାଚ୍‌ର ଆସର । ବିଦେଶରେ ବାଜିବ ଆପିଏଲ ବିଗୁଲ । ଆଜିଠାରୁ ଆରବ ଏମିରେଟ୍ସ (ୟୁଏଇ) ରେ ହେବ ୧୩ ତମ ଆଇପିଏଲର ମ୍ୟାଚ୍‌ । ଆଇପିଏଲ୍ ଇତିହାସର ଦୁଇଟି ସଫଳ ଦଳ ଡିଫେଣ୍ଡିଂ ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ଏବଂ ଅନ୍ୟତମ ଷ୍ଟ୍ରଙ୍ଗ ଦାବିଦାର ଚେନ୍ନାଇ ସୁପର କିଙ୍ଗ୍ସ ଆଜି ପ୍ରଥମ ମ୍ୟାଚ୍‌ରେ ମୁହାଁମୁହିଁ ହେବେ । ଉଭୟ ଦଳ ଲିଗ୍ ପାଇଁ ବିଜୟ ସହ ଆରମ୍ଭ କରିବାକୁ ଚାହାଁନ୍ତି । କିନ୍ତୁ ମ୍ୟାଚକୁ ହାତେଇବା‌ ଏତେ ସହଜ ହେବ ନାହିଁ ।

ଆବୁଧାବିର ଶେଖ ଜାଏଦ ଷ୍ଟାଡିୟମରେ ଭାରତୀୟ ସମୟ ଅନୁଯାୟୀ ସନ୍ଧ୍ୟା ୭.୩୦ ରେ ମ୍ୟାଚ୍ ଆରମ୍ଭ ହେବ । ୟୁଏଇ ହେଉଛି ସେହି ସ୍ଥାନ ଯେଉଁଠାରେ ଅନେକ ଖେଳାଳି ଏପର୍ଯ୍ୟନ୍ତ ଖେଳି ନାହାଁନ୍ତି ଏବଂ ପ୍ରଥମ ଥର ପାଇଁ ପିଚରେ ଭାଗ୍ୟ ପରୀକ୍ଷା କରିବେ । ନୂଆ ଖେଳୀଙ୍କ ପାଇଁ ସେହି ପିଚ୍‌ରେ କ୍ଲିକ କରିବା ବହୁତ କଷ୍ଟ ହେବ । କାରଣ ଫରେନ ପିଚ୍‌ରେ ଅଧିକ ବାଉନ୍ସ ରହିଥାଏ  । ବାଉନ୍ସକୁ ଟକ୍କର ଦେବା ଭାରତୀୟ ନୂଆ ଖୋଳୀଙ୍କ ପାଇଁ କଷ୍ଟ ହୋଇପାରେ । ଆଇପିଏଲ ଇତିହାସରେ ଏହା ଦ୍ୱିତୀୟ ଥର ଯେ ସମଗ୍ର ଆଇପିଏଲ ଭାରତ ବାହାରେ ଅନୁଷ୍ଠିତ ହେଉଛି । ଏହାପୂର୍ବରୁ ୨୦୦୯ ରେ ଲୋକସଭା ନିର୍ବାଚନ ପାଇଁ ଦକ୍ଷିଣ ଆଫ୍ରିକାରେ ଆଇପିଏଲ୍ ଆୟୋଜିତ ହୋଇଥିଲା । ସେହି ସମୟରେ ୨୦୧୪ ରେ, ଆଇପିଏଲର ପ୍ରଥମାର୍ଦ୍ଧ ୟୁଏଇରେ ଖେଳାଯାଇଥିଲା ।

ବିନା ଦର୍ଶକରେ ଖେଳାଯିବ ମ୍ୟାଚ୍‌

ତେବେ କୋଭିଡ -୧୯ କାରଣରୁ ଏଥର ଆଇପିଏଲ ଦର୍ଶକଙ୍କ ବିନା ଖାଲି ଷ୍ଟାଡିୟମରେ ଖେଳାଯିବ । ଦର୍ଶକମାନେ ସର୍ବଦା ଆଇପିଏଲର ସବୁଠାରୁ ଗୁରୁତ୍ୱପୂର୍ଣ୍ଣ ଭୂମିକା ନିଭାଇ ଆସୁଛନ୍ତି କିନ୍ତୁ ଏଭଳି ପରିସ୍ଥିତିରେ ଆଇପିଏଲ୍ ଖେଳିବା ଏବଂ ଟିଭିରେ ଦେଖିବା ଟିକେ ଅଜବ ହେବ । ଯଦିଓ ଏହାକୁ ଟିଭିରେ କୋଟି କୋଟି ଲୋକ ଦେଖିବେ କିନ୍ତୁ ଷ୍ଟାଡିୟମରେ ଆଉ ଘୋଘା ସୁଭିବନାହିଁ ।

Leave a Reply