ବର୍ଡର-ଗାଭାସ୍କର ଟ୍ରଫି ପାଇଁ ଅଷ୍ଟ୍ରେଲିଆରେ ପହଞ୍ଚିଲା ଭାରତୀୟ ଦଳ, ୨୭ରେ ପ୍ରଥମ ଦିନିକିଆ

ନୂଆଦିଲ୍ଲୀ: ଆଇପିଏଲ ଶେଷ କରି ଭାରତୀୟ କ୍ରିକେଟ୍ ଟିମ୍ ବର୍ଡର-ଗାଭାସ୍କର ଟ୍ରଫି ଖେଳିବା ପାଇଁ ଅଷ୍ଟ୍ରେଲିଆରେ ପହଞ୍ଚିଛି । ଭାରତୀୟ ଦଳ ଆଇପିଏଲ ଖେଳିବା ପାଇଁ ଦୁବାଇରେ ଥିଲା । ଏହାପରେ ଭାରତ ନଫେରି ସିଧା ସିଡନୀରେ ପହଞ୍ଚିଛି । ଭାରତୀୟ ଦଳର ପ୍ଲେୟାରମାନେ ଅଷ୍ଟ୍ରେଲିଆରେ ପହଞ୍ଚିଥିବା ନେଇ ବିସିସିଆଇ ଟ୍ୱିଟ୍ କରି ସୂଚନା ଦେଇଛି । ଉଲ୍ଲେଖଯୋଗ୍ୟ ଯେ ଭାରତୀୟ ଦଳ ଅଷ୍ଟ୍ରେଲିଆ ସହ ୩ଟି ଏକଦବସୀୟ, ୩ଟି ଟି-୨୦ ଓ ୪ଟି ଟେଷ୍ଟ ଖେଳିବାର କାର୍ଯ୍ୟସୂଚୀ ରହିଛି ।

Dubai ✈️ Sydney

Hello Australia! #TeamIndia is here! 💪 pic.twitter.com/Rfu0wZlXW0

— BCCI (@BCCI) November 12, 2020

ତେବେ ପ୍ରଥମ ଏକଦବସୀୟ ମ୍ୟାଚ ଖେଳାଯିବ । ପ୍ରଥମ ଏକ ଦବସୀୟ ମ୍ୟାଚ ନଭେମ୍ୱର ୨୭ରୁ ଆରମ୍ଭ ହେବ । ସେହିଭଳି ଭାରତୀୟ ଦଳର ଅଷ୍ଟ୍ରେଲିଆ ଗସ୍ତ ଜାନୁଆରୀ ୧୯ରେ ଶେଷ ହେବ । ନଭେମ୍ୱର ୨୭ ପୂର୍ବରୁ ଭାରତୀୟ କ୍ରିକେଟରମାନେ ସଙ୍ଗରୋଧରେ ରହିବେ । କୋଭିଡ୍ ସଂକ୍ରମଣ ହୋଇ ନଥିବା ଖେଳାଳିଙ୍କୁ ହିଁ ମ୍ୟାଚରେ ଅଂଶଗ୍ରହଣ କରିବାର ଅନୁମତି ମିଳିବ । ତେବେ ସୂଚନାଯୋଗ୍ୟ ଯେ ରୋହିତ ଶର୍ମା ଏକଦବସୀୟ ଓ ଟି-୨୦ ଦଳରେ ଖେଳିବା ନେଇ କୌଣସି ଚୁଡ଼ାନ୍ତ ନିଷ୍ପତ୍ତି ଆସିନଥିବା ବେଳେ କେବଳ ଟେଷ୍ଟରେ ଖେଳିବା ନେଇ ବିସିସିଆଇ ସ୍ପଷ୍ଟ କରିଛି ।

ସେହିଭଳି ପ୍ରଥମ ଥର ପାଇଁ ଭାରତୀୟ ଦଳକୁ ଚୟନ ହୋଇଥିବା ବରୁଣ ଚକ୍ରବର୍ତ୍ତୀ ମଧ୍ୟ ଟିମରୁ ବାଦ ପଡ଼ିଛନ୍ତି । ବିସିସିଆଇ ତାଙ୍କୁ କେବଳ ଟି-୨୦ ଟିମରେ ସାମିଲ କରିଥିଲା । ମାତ୍ର ଆହତ କାରଣରୁ ତାଙ୍କ ବଦଳରେ ନଟରାଜନଙ୍କୁ ସୁଯୋଗ ମିଳିଛି ।