ଫେସବୁକ୍ ଇନଷ୍ଟାଗ୍ରାମ ଡିଲିଟ କରିବା ପାଇଁ ଯବନାଙ୍କୁ ସେନାର ଆଦେଶ

1 min read

ନୂଆଦିଲ୍ଲୀ:  ଭାରତୀୟ ସେନାଙ୍କ ଅଧିକୀରୀ ଏବଂ ସୈନିକମାନଙ୍କୁ ଫେସବୁକ୍-ଇନଷ୍ଟାଗ୍ରାମ ଆକାଉଣ୍ଟ ଡିଲିଟ କରିବାକୁ ନିର୍ଦ୍ଦେଶ ଦିଆଯାଇଛି। ଏଥିସହ, ଅନ୍ୟ ୮୯ ଟି ଆପ୍ ର ଏକ ତାଲିକା ମଧ୍ୟ ପ୍ରକାଶ କରାଯାଇଛି । ଯାହା ମୋବାଇଲରୁ ଅନଇନଷ୍ଟଲ କରିବାକୁ କୁହାଯାଇଛି । ନିର୍ଦ୍ଦେଶ ଅନୁଯାୟୀ ଜୁଲାଇ ମାସ ୧୫ ତାରିଖ ସୁଦ୍ଧା ସମସ୍ତଙ୍କୁ ଏହି ଆପ ଗୁଡିକୁ ଅନଇନଷ୍ଟଲ କରିବାକୁ କୁହାଯାଇଛି । ସେନାର ସମ୍ବେଦନଶୀଳ ତଥ୍ୟ ଲିକ୍ ହେବା ନେଇ ଏଭଳି ନିଷ୍ପତ୍ତି ନିଆଯାଇଛି। ଯେଉଁମାନଙ୍କ ମୋବାଇଲରେ ଫେସବୁକ୍, ଇନଷ୍ଟାଗ୍ରାମ ସମେତ ଏହି ୮୯ ଟି ଆପ୍ ରହିବ ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି।

ଜଣେ ସେନା ଅଧିକାରୀଙ୍କ କହିବା ଅନୁସାରେ, ଏହି ଆପ୍ ମାଧ୍ୟମରେ ଚୀନ୍ ଏବଂ ପାକିସ୍ଥାନ ଭାରତୀୟ ଅଧିକାରୀ ଓ ସେନାଙ୍କ ଉପରେ ଅନଲାଇନ୍ ନଜର ରଖୁଥିବା ଘଟଣା ବୃଦ୍ଧି ହେତୁ ଏଭଳି ପଦକ୍ଷେପ ନିଆଯାଇଛି । ସୂଚନାଯୋଗ୍ୟ ଯେ, ଗତ ନଭେମ୍ବର ମାସରେ ସେନା ନିଜ ଷ୍ଟାଫମାନଙ୍କୁ ନିର୍ଦ୍ଦେଶ ଦେଇଥିଲା ଯେ ଅଫିସିଆଲ୍ କାର୍ଯ୍ୟ ପାଇଁ ହ୍ୱାଟସ୍ ଆପ୍ ବ୍ୟବହାର କରାଯିବା ଅନୁଚିତ୍ । ଗୁରୁତ୍ୱପୂର୍ଣ୍ଣ ପଦବୀରେ ଉପସ୍ଥିତ ଥିବା ସେନା ଅଧିକାରୀଙ୍କୁ ଫେସବୁକ୍ ଆକାଉଣ୍ଟ ଡିଲିଟ୍ କରିବାକୁ କୁହାଯାଇଥିଲା। ବିଗତ ବର୍ଷଗୁଡିକରେ ଏମିତି ମାମଲା ଆସିଥିଲା ଯେବେ ପାକିସ୍ତାନୀ ଏଜେଣ୍ଟମାନେ ‘ମହିଳା’ ଭାବେ ହନି ଟ୍ରାପ ମାଧ୍ୟମରେ ସୈନିକଙ୍କୁ ଫସାଇ  ଗୁପ୍ତ ତଥ୍ୟ ହାସଲ କରୁଥିଲେ ।

ଆଦେଶ ଅନୁଯାୟୀ, ଗୋପନୀୟ ସୂଚନା ଏବଂ ଜାତୀୟ ସୁରକ୍ଷାକୁ ଦୃଷ୍ଟିରେ ରଖି ନୌସେନା ତା’ର ସମସ୍ତ ସୈନିକଙ୍କୁ ଫେସବୁକ୍ ବ୍ୟବହାର କରିବାକୁ ମନା କରିଛି ।  ଏଥିସହ ନୌସେନା ଘାଟିକୁ ସ୍ମାର୍ଟ ଫୋନ୍ ନ ନେବାକୁ ନିର୍ଦ୍ଦେଶ ଦିଆଯାଇଛି। ଏହି ନିଷ୍ପତ୍ତି ଗତ ଡିସେମ୍ବର ମାସରେ ନୌସେନାରେ ନିଆଯାଇଥିଲା। ଏଯାଏଁ ଭାରତୀୟ ସେନା ନିଜ କର୍ମଚାରୀମାନଙ୍କୁ କିଛି ପ୍ରତିବନ୍ଧକ ସହିତ ଫେସବୁକ ବ୍ୟବହାର କରିବାକୁ ଅନୁମତି ଦେଇଥିଲେ। ୟୁନିଫର୍ମରେ ଫଟୋ ପୋଷ୍ଟ ନକରିବାକୁ ଆଦେଶ ଦିଆଯାଇଥିଲା । ଏବଂ ନିଜ ୟୁନିଟ୍ ର ଲୋକେସନ ପ୍ରକାଶ ନକରିବା ପାଇଁ ପ୍ରତିବନ୍ଧକ ଥିଲା । ହେଲେ ଏବେ ସୋସିଆଲ ମିଡିଆ ବ୍ୟବହାର କରିବାକୁ ମନା କରାଯାଇଛି । ରିପୋର୍ଟ ଅନୁସାରେ ଗୋପନୀୟ ତଥା ସମ୍ବେଦନଶୀଳ ସୂଚନା ପୋଷ୍ଟ କରିଥିବାରୁ ସେନାର ଅନେକ ଅଧିକାରୀଙ୍କୁ କୋର୍ଟ ଚାଲାଣ କରାଯାଇଛି।

Leave a Reply