India-China Face off: ସୀମାରେ ଉଡ଼ିଲା ଭାରତର ଯୁଦ୍ଧ ବିମାନ
1 min read
ଲଦାଖ: ଏଲ୍ଏସିରେ ଚୀନ୍ ସହ ତିକ୍ତତା ଲାଗିରହିଥିବା ବେଳେ ସୀମାରେ ନିଜର ପ୍ରସ୍ତୁତିକୁ ଜୋରଦାର୍ କରିଛି ଭାରତ । ଦେଶର ବାୟୁସେନା ନିଜର ଯୁଦ୍ଧ ବିମାନକୁ ସୀମା ନିକଟରେ ଥିବା ଏୟାରବେସରେ ନିୟୋଜିତ କରିସାରିଛି। ପୂର୍ବରୁ ବାୟୁସେନାର ସୁଖୋଇ- ସୁ30 MKI, ମିଗ -୨୯ ବିମାନ ସୀମାରେ ଉଡ଼ୁଥିବା ଦେଖିବାକୁ ମିଳିଥିଲା ତେବେ ବର୍ତ୍ତମାନ ଯୁଦ୍ଧ ବିମାନ ଆପାଚେକୁ ସୀମା ଆକାଶରେ ଉଡ଼ୁଥିବାର ଦେଖିବାକୁ ମିଳିଛି । ଏଥିରୁ ଅନୁମାନ କରାଯାଇପାରେ ଯେ, ଭାରତ ଚୀନ୍କୁ ଏହି ବାର୍ତ୍ତା ଦେଉଛି କୌଣସି କ୍ଷେତ୍ରରେ ସାଲିସ କରାଯିବନାହିଁ ।
Indian Air Force (IAF) Su-30MKI and MiG-29 fighter aircraft carrying out air operations at a forward airbase near India-China border. pic.twitter.com/dgknHJDw3s
— ANI (@ANI) July 4, 2020
ଗଲଓ୍ୱାନ ଘାଟିରେ ଚୀନ ସହ ହିଂସା ପରେ ଏବେ ସମ୍ପୂର୍ଣ୍ଣ ସଜାଗ ହୋଇଛି ଭାରତ । ଚୀନ୍ର ଅହଂକାରକୁ ଦେଖି ଭାରତ ଏହାର ବିମାନକୁ ସୀମାରେ ନିୟୋଜିତ କରିଛି । ମିଗ୍, ସୁଖୋଇ ଏବଂ ହର୍କ୍ୟୁଲସ୍ ବିମାନ ପୂର୍ବରୁ ସୀମାରେ ନିୟୋଜିତ ହୋଇଥିଲେ, କିନ୍ତୁ ବର୍ତ୍ତମାନ ସେମାନେ ସୀମା ନିକଟରେ ଉଡୁଥିବାର ଦେଖିବାକୁ ମିଳିଛି ।
କୌଣସି ପରିସ୍ଥିତିର ମୁକାବିଲା ପାଇଁ ଏହି ୩ ବାହିନୀକୁ ପ୍ରସ୍ତୁତ ହେବାକୁ କୁହାଯାଇଛି ବୋଲି ସୂତ୍ରରୁ ପ୍ରକାଶ । ତେବେ ଏଲ୍ଏସି ନିୟୋଜିତ ଜଣେ ସ୍କାଡ୍ରୋନ୍ ନେତାଙ୍କ କହିବାନୁସାରେ ଭାରତୀୟ ବାୟୁସେନା ସମସ୍ତ ବେସରେ ସମ୍ପୂର୍ଣ୍ଣ ପ୍ରସ୍ତୁତ ଏବଂ ଯେ କୌଣସି ପ୍ରକାର ଆହ୍ୱାନର ସମ୍ମୁଖୀନ ହୋଇପାରେ । ସେ କହିଛନ୍ତି, ସୈନିକମାନଙ୍କର ଉତ୍ସାହ ସର୍ବଦା ଅଧିକ, ଏବଂ ସେମାନେ ପ୍ରତିପକ୍ଷରୁ ଉତ୍ତର ଦେବାକୁ ସର୍ବଦା ପ୍ରସ୍ତୁତ ।
India-China Face off: ସମସ୍ୟାର ସମାଧାନ ପାଇଁ ଭାରତ ସମ୍ମୁଖରେ ୩ଟି ବିକଳ୍ପ
ଶୁକ୍ରବାର ଦିନ ପ୍ରଧାନମନ୍ତ୍ରୀ ମୋଦୀ ମଧ୍ୟ ଲେହରେ ପହଞ୍ଚି ସୈନିକମାନଙ୍କୁ ସମ୍ୱୋଧିତ କରିବା ସହ ଚୀନ୍କୁ କଡ଼ା ସନ୍ଦେଶ ଦେଇଛନ୍ତି ।
