ଦେଶରେ କମୁଛି କରୋନାର କାୟା…୨୪ ଘଣ୍ଟାରେ ଆଉ ୫୩ ହଜାର ୩, ୭୦ ନୂଆ ପଜିଟିଭ
1 min read
ନୂଆଦିଲ୍ଲୀ: ଦେଶରେ କମୁଛି କରୋନା ଗ୍ରାଫ୍ । ଲଗାତାର ଭାବେ ୬୦ ହଜାର ତଳକୁ ରହୁଛି ସଂକ୍ରମଣ । ୨୪ ଘଣ୍ଟାରେ ଆଉ ୫୩,୩୭୦ ନୂଆ ପଜିଟିଭ ଚିହନ୍ଟ ହୋଇଛନ୍ତି । ଏଥିସହ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୭୮ ଲକ୍ଷ ୧୪ ହଜାର ୬ଶହ ୮୨ ରେ ପହଞ୍ଚିଛି । ଗତ ୨୪ ଘଣ୍ଟାରେ କରୋନାରେ ଆଉ ୬୫୦ ଜଣଙ୍କ ଜୀବନ ଯାଇଛି । ଏହାକୁ ମିଶାଇ ମୋଟ ମୃତକଙ୍କ ସଂଖ୍ୟା ୧ ଲକ୍ଷ ୧୭ ହଜାର ୯୫୬ରେ ପହଞ୍ଚିଛି । ଏବେବି ଦେଶରେ ୬ଲକ୍ଷ ୮୦ ହଜାର ୬ଶହ ୮୦ ସକ୍ରିୟ ମାମଲା ଥିବା ବେଳେ, ୭୦ ଲକ୍ଷରୁ ଅଧିକ ସଂକ୍ରମିତ ସୁସ୍ଥ ହେଲେଣି ।
ଦେଶର ୨୨ ଟି ରାଜ୍ୟ ବା କେନ୍ଦ୍ରଶାସିତ ଅଞ୍ଚଳରେ ୨୦,୦୦୦ ରୁ କମ୍ ସକ୍ରିୟ ମାମଲା ରହିଛି । କେବଳ କେରଳ, କର୍ଣ୍ଣାଟକ ଏବଂ ମହାରାଷ୍ଟ୍ରରେ ୫୦,୦୦୦ରୁ ଅଧିକ ସକ୍ରିୟ ମାମଲା ରିପୋର୍ଟ କରାଯାଉଛି। ସବୁଠାରୁ ଅଧିକ ସକ୍ରିୟ ମାମଲା ମହାରାଷ୍ଟ୍ରରେ ରହିଛି । ସକ୍ରିୟ ମାମଲାରେ ଭାରତ ଦ୍ୱିତୀୟ ସ୍ଥାନରେ ରହିଛି । କରୋନା ସଂକ୍ରମଣ ସଂଖ୍ୟା ଅନୁସାରେ ଭାରତ ବିଶ୍ୱର ଦ୍ୱିତୀୟ ସର୍ବାଧିକ ପ୍ରଭାବିତ ଦେଶ । ICMR ଅନୁଯାୟୀ, ଅକ୍ଟୋବର ୨୩ ତାରିଖ ପର୍ଯ୍ୟନ୍ତ ୧୦ କୋଟି ୧୩ ଲକ୍ଷ କରୋନା ନମୁନା ପରୀକ୍ଷା କରାଯାଇଛି, ସେଥିମଧ୍ୟରୁ ଗତକାଲି ୧୨,୦୬୯ ଲକ୍ଷ ନମୁନା ପରୀକ୍ଷା କରାଯାଇଛି।
