କଳାଧନ ରଖିଥିବା ବ୍ୟକ୍ତି ସାବଧାନ ! ପୁଣି ଆସିଲା ସ୍ୱିସ୍‌ ବ୍ୟାଙ୍କରୁ ଭାରତୀୟଙ୍କ ତଥ୍ୟ..

1 min read

ନୂଆଦିଲ୍ଲୀ: ପୁଣି ସ୍ୱିସ୍‌ ବ୍ୟାଙ୍କରୁ ଆସିଲା କଳାଧନ ତଥ୍ୟ । ସ୍ୱିସ୍‌ ବ୍ୟାଙ୍କରେ ଗଚ୍ଛିତ ଥିବା ଭାରତୀୟଙ୍କ କଳାଧନର ଦ୍ୱିତୀୟ ତାଲିକା ଏବେ ଭାରତ ହାତରେ ଲାଗିଛି । ସ୍ୱିଜରଲ୍ୟାଣ୍ଡ ସହ ହୋଇଥିବା ଅଟୋମେଟିକ୍‌ ଇନ୍‌ଫର୍ମେସନ୍‌ ଏକ୍ସଚେଞ୍ଜ ଫ୍ୟାକ୍ଟ ଚୁକ୍ତି ଜରିଆରେ ଭାରତ ହାତରେ ଏହି ତଥ୍ୟ ଲାଗିଥିବା ସୂଚନା ମିଳିଛି । କଳାଧନ ବିରୋଧରେ କେନ୍ଦ୍ର ସରକାର ଯେଉଁ ମୋର୍ଚ୍ଚା ଆରମ୍ଭ କରିଥିଲେ ଏହା ତାହାର ଏକ ବଡ଼ ସଫଳତା ବୋଲି କୁହାଯାଇପାରେ ।

ପ୍ରଥମ ତାଲିକା ୨୧୦୯ ସେପ୍ଟେମ୍ବରରେ ଆସିଥିଲା

ଭାରତ ସେହି ୮୬ଟି ଦେଶ ମଧ୍ୟରୁ ଏକ ଅଂଶ ଯାହାସହ ସ୍ୱିଜରଲ୍ୟାଣ୍ଡ ଫେଡ୍‌ରାଲ ଟ୍ୟାକ୍ସ ଆଡମିନିଷ୍ଟ୍ରେସନ (FTA)  ତଥ୍ୟ ଆଦାନ ପ୍ରଦାନ ପାଇଁ ଚୁକ୍ତି କରିଛି । ଭାରତକୁ ସ୍ୱିସ୍ ଆକାଉଣ୍ଟ୍‌ରେ ଥିବା ଖାତା ସମ୍ବନ୍ଧୀୟ ସୂଚନା ପ୍ରଥମେ ସେପ୍ଟେମ୍ବର ୨୦୧୯ରେ ପ୍ରାପ୍ତ ହୋଇଥିଲା । FTA ପକ୍ଷରୁ ଜାରି ଏକ ପ୍ରେସ୍‌ ବିଜ୍ଞପ୍ତିରେ କୁହାଯାଇଛି ଯେ, ୮୦ଟି ଦେଶ ସହିତ ପ୍ରାୟ ୩୧ ଲକ୍ଷ ବ୍ୟାଙ୍କ ଖାତାର ସୂଚନା ସେୟାର କରାଯାଇଛି । ତେବେ ଭାରତକୁ ନେଇ ବିଜ୍ଞପ୍ତିରେ କୌଣସି ପୃଥକ ସୂଚନା ଦିଆଯାଇ ନାହିଁ । ତେବେ ନ୍ୟୁଜ୍ ଏଜେନ୍ସି ପିଟିଆଇ ପକ୍ଷରୁ କୁହାଯାଇଛି ଯେ, ଭାରତ ହେଉଛି ସେହି ପ୍ରମୁଖ ଦେଶମାନଙ୍କ ମଧ୍ୟରୁ ଜଣେ ଯହାସହ, FTA ବ୍ୟାଙ୍କ ଖାତା ସମ୍ବନ୍ଧୀୟ ତଥ୍ୟ ସେୟାର କରିଛି ।

swiss bank

ଏହା ମଧ୍ୟ ସୂଚନା ଦିଆଯାଇଛି ଯେ, ସ୍ୱିସ୍‌ ବ୍ୟାଙ୍କରେ ଥିବା ଖାତା ମଧ୍ୟରୁ ଭାରତୀୟଙ୍କ ସହ ଯୋଡ଼ି ହୋଇ ରହିଥିବା ଖାତା ଅନେକ । ଏହା ପୂର୍ବରୁ ୧୦୦ ଜଣ ଭାରତୀୟଙ୍କ ଖାତା ସମ୍ବନ୍ଧୀୟ ତଥ୍ୟ ଭାରତ ସହ ସେୟାର କରିଥିଲା ସ୍ୱିସ୍‌ ବ୍ୟାଙ୍କ ।

Leave a Reply