ଦେଶରେ ଦିନକରେ ୭୩ହଜାର ୨୭୨ ସଂକ୍ରମିତ ଚିହ୍ନଟ
ନୂଆଦିଲ୍ଲୀ: ଦେଶରେ ଦିନକରେ ୭୩ହଜାର ୨୭୨ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ୯୨୬ଜଣଙ୍କ ମୃତ୍ୟୁ ହୋଇଛି । ଦେଶରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୬୯ଲକ୍ଷ ୭୯ହଜାର ୪୨୪ରେ ପହଞ୍ଚିଥିବା ବେଳେ ଆକ୍ଟିଭ୍ କେସ୍ ୮ଲକ୍ଷ ୮୩ହଜାର ୧୮୫, ସୁସ୍ଥ ହୋଇଛନ୍ତି ୫୯ଲକ୍ଷ ୮୮ହଜାର ୮୨୩ଜଣ । ଆଜି କରୋନା ମୃତ୍ୟୁକୁ ମିଶାଇ ଦେଶରେ ମୋଟ୍ କରୋନା ମୃତ୍ୟୁସଂଖ୍ୟା ଲକ୍ଷେ ୭ହଜାର ୪୧୬ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ଦିଆୟାଇଛି ।
ମହାରାଷ୍ଟ୍ରରୁ ସର୍ବାଧିକ ୧୫ଲକ୍ଷ ୬ ହଜାର ୧୮ଜଣ ସଂକ୍ରମିତ ହୋଇଥିବା ବେଳେ ମୃତ୍ୟୁସଂଖ୍ୟା ୩୯ ହଜାର ୭୩୨ରେ ପହଞ୍ଚିଛି । ସେହିଭଳି ଆନ୍ଧ୍ରପ୍ରଦେଶରୁ ୭ଲକ୍ଷ ୪୪ହଜାର ୮୬୪ ଆକ୍ରାନ୍ତ ହୋଇଥିବା ବେଳେ ମୃତ୍ୟୁସଂଖ୍ୟା ୬ହଜାର ୧୫୯ରେ ପହଞ୍ଚିଛି । କର୍ଣ୍ଣାଟକ ଓ ତାମିଲନାଡୁରେ ୬ଲକ୍ଷରୁ ଅଧିକ ଲେଖାଏଁ ସଂକ୍ରମିତ ହୋଇଥିବା ବେଳେ ତାମିଲନାଡୁରେ ମୃତ୍ୟୁସଂଖ୍ୟା ୧୦ହଜାର ୧୨୦ ଓ କର୍ଣ୍ଣାଟକରେ ୯ହଜାର ୭୮୯ରହିଛି ।
ଅକ୍ଟୋବର ୯ ପର୍ଯ୍ୟନ୍ତ କରୋନା ଭାଇରସ ପାଇଁ ମୋଟ ୮ କୋଟି ୫୭ ଲକ୍ଷ ନମୁନା ପରୀକ୍ଷା କରାଯାଇଛି, ସେଥିମଧ୍ୟରୁ ଗତକାଲି ୧୧ ଲକ୍ଷ ୬୯ ହଜାର ନମୁନା ପରୀକ୍ଷା କରାଯାଇଛି । ବର୍ତ୍ତମାନ ସୁଦ୍ଧା କରୋନା ପଜିଟିଭ ହାର ପ୍ରାୟ ସାତ ପ୍ରତିଶତ ରହିଛି ।
